Psonm 10:14 - Labib An Kreol Seselwa

¹⁴ Me ou war tou sa ki pe pase: Ou war zot soufrans ek zot lapenn. Ou fer sir ki tou i dan ou lanmen. Malere i met son konfyans dan ou e se ou ki vin osekour bann orfelen.

Psonm 10:14 ပူးပေါင်းရင်းမြစ်များ

Zenez 21:17

Bondye ti antann sa garson plere e depi lesyel, lanz Bondye ti apel Agar. I ti dir li, “Ki ou gannyen Agar? Pa bezwen per, Bondye in antann lavwa sa garson kot i ete.

Zenez 31:12

I ti dir, “Lev ou lizye e gete! Ou ava war ki tou bann bouk ki mont lo bann femel i pitakle. Mon'n war tou sa ki Laban pe fer ou.

2 Samyel 16:12

Petet ki SENYER ava pran pitye mon miser, e i ava fer mwan dibyen an retour sa bann malediksyon ki i pa prononse ozordi.”

2 Rwa 9:26

La sa ki SENYER i deklare: Yer mon ti war disan Nabot ek disan son bann garson. Mon pou rann ou laparey dan sa menm porsyon later. Alor, pran li e al zet li dan sa porsyon later, parey SENYER ti dir.”

2 Kronik 24:22

Lerwa Zoas ti oubliy bonte Yoyada, papa Zakari anver li. I ti touy son garson ki, an mouran ti dir: SENYER pou fer ou rann kont pour sa.

2 Kronik 6:23

ou SENYER, depi lesyel ekoute e azir. Ou menm, ziz ou bann serviter; pini sa ki koupab dapre sa ki i merite; deklar inosan sa ki pa'n komet okenn mal.

Psonm 146:9

SENYER i vey lo bann etranze. I protez bann vev ek bann orfelen, me i kas plan bann malfeter.

Psonm 22:11

Pa reste lwen avek mwan; danze i pros e napa personn pour ed mwan.

Psonm 31:8

Ou pa'n livre mwan dan lanmen mon lennmi. Ou'n rann mwan lib.

Psonm 35:22

SENYER! Ou menm, ou'n war. Pa gard silans. SENYER! Pa reste lwen avek mwan.

Psonm 55:22

Desarz tou ou fardo lo SENYER, i pou soutenir ou. Zanmen i pou les en zis tonbe.

Psonm 68:5

Dan son sanktyer sakre, Bondye i en papa pour bann orfelen e i protez bann vev.

Psonm 68:6

Bondye i donn en fanmir sa enn ki tousel. I ouver laport laliberte pour bann prizonnyen. Me bann ki revolte i viv dan en later sek.

Egzod 2:25

Bondye ti regard bann Izraelit e i ti konpran.

Egzod 22:22

Ou pa devre maltret en vev, ni en orfelen.

Egzod 22:26

Si ou pran lenz ou vwazen an gaz, ou ava rann li avan soley kouse,

Proverb 15:25

SENYER i detri lakaz sa enn ki vantar; me i protez propriyete en vev.

Proverb 15:3

Lizye SENYER i partou; i obzerv dimoun bon koman move.

Ezai 10:3

Ki ou pou fer zour pinisyon, kan maler i arive sorti lwen? Kot ou pou taye pou rod led e kote ou pou kit ou larises?

Zeremi 16:17

Mon war byen tou sa ki zot fer. Nanryen pa sap mwan; i kler ki zot koupab.

Zeremi 23:24

Personn pa kapab zwe avek mwan ki mon pa pou war li. Eski ou pa konnen ki mon partou dan lesyel e lo later? SENYER i deklare.

Zeremi 49:11

Les zot bann orfelen avek mwan; mon pou okip zot. Bann vev ava kapab kont lo mwan.

Zeremi 51:56

Sa enn ki detri tou, in vin kont li, kont Babilonn; son bann gerye in ganny kaptire, zot lark in ganny kase. Annefe, SENYER i en Bondye ki fer rann kont, e ki fer peye. I pou tret bann Babilonyen parey zot merite.

Lamantasyon 3:59

SENYER! Ou'n war ditor ki zot in fer mwan. Rann lazistis dan mon faver.

Lamantasyon 3:60

Ou'n war tou zot vanzans; tou zot bann plan kont mwan.

Oze 14:3

Asiri pa kapab sov nou, nou pa pou mont seval; nou pa pou koz ankor; nou pa pou dir ankor avek travay ki nou lanmen in fer: Ou nou Bondye. Ou ki pran pitye pour bann orfelen.

Oze 14:4

Mon pou geri zot lenfidelite. Mon pou kontan li avek tou mon leker, akoz mon nepli ankoler kont li.

Zoel 3:4

Zabitan Tir, Sidon ek bann rezyon Filisten! Ki zot oule avek mwan? Zot oule revanze? Alor, mon pou fer zot vanzans retonm lo zot.

Habakouk 1:13

Ou lizye i tro pir pour kontanple lemal. Ou pa kapab get maler, pourtan, ou get bann tret san dir nanryen. Kan bann malfeter i detri bann pli zis ki zot, akoz ou reste trankil?

Deterononm 10:18

I defann drwa bann orfelen ek bann vev; i kontan bann etranze, i donn zot manze ek lenz.

2 Timote 1:12

Pour sanmenm sa rezon ki mon pe soufer. Me mon pa onte, akoz mon konnen dan ki mon'n met mon konfyans. Mon osi sir ki i kapab gard sa ki i'n konfye mwan ziska sa Zour.

Ebre 4:13

Napa nanryen dan kreasyon ki kapab reste kasyet devan Bondye. Kreasyon antye i ekspoze devan lizye sa enn avek ki nou bezwen rann kont.

1 Pyer 4:19

Alor, bann ki soufer dapre lavolonte Bondye, zot devre kontinyen fer sa ki byen, e met zot konfyans konpletman dan lavolonte Kreater ki touzour gard son promes.

1 Pyer 5:7

Desarz tou zot traka lo li, akoz i pran swen avek zot.

Ziz 1:7

Adoni-Bezek ti dir, “70 lerwa ki ti'n ganny pous lanmen ek lipye koupe ti vin ranmas restan manze anba mon latab. Sa ki mon'n fer, Bondye in rann mwan laparey.” I ti ganny anmennen Zerizalenm kot i ti mor.