Psonm 10:12 - Labib An Kreol Seselwa

¹² Leve SENYER! Mon Bondye! Lev ou lanmen. Pa oubliy bann malere!

Psonm 10:12 ပူးပေါင်းရင်းမြစ်များ

Psonm 13:1

Ziska kan SENYER, ou pou oubliy mwan? Pour touzour? Ziska kan ou pou kasyet ou figir avek mwan?

Psonm 17:13

Leve SENYER! Konfront zot. Fer zot tonbe. Avek ou lepe, liber mwan kont mon bann lennmi.

Psonm 17:7

Montre mwan ou fidelite. Ou ki sov bann ki vin pran refiz kot ou, kont zot bann ladverser.

Psonm 3:7

Leve SENYER! Mon Bondye! Sov mwan. Ou kalot mon bann lennmi lo zot lazou; ou kas ledan mon bann malfeter.

Psonm 7:6

Dan ou lakoler, leve SENYER! Debout kont lakoler mon bann lennmi! Sov mwan, ou ki rann lazistis!

Psonm 74:19

Pa les ou tourtrel ganny manze par bann zannimo sovaz. Pa oubliy bann malere parmi ou pep pour touzour.

Psonm 77:9

Eski Bondye in oubliy son konpasyon anver nou? Eski dan son lakoler, i nepli annan okenn konpasyon pour nou?

Psonm 9:12

Bondye pa oubliy lapenn bann malere. I vanz sa enn ki fer krim.

Psonm 9:13

SENYER! Pran pitye pour mwan. Gete ki mannyer mon bann lennmi pe fer mwan soufer! Zis ou ki kapab delivre mwan dan lanmor,

Psonm 9:19

Leve SENYER! Pa les bann imen pran kontrol. Anmenn bann nasyon devan ou pour zot ganny zize.

Psonm 94:2

Ou ki ziz later! Leve. Pini bann orgeye dapre sa ki zot merite.

Ezai 26:11

SENYER! Ou lanmen in leve, me zot pa war. Kan zot ava war sa gran pasyon ki ou annan pour ou pep, zot ava kanmi. Dife ki'n ganny alimen pour bann lennmi ava bril zot.

Ezai 33:10

SENYER i deklare: Aprezan mon pou azir, aprezan mon pou leve, mon pou montre mon grander.

Mise 5:9

SENYER i deklare: Ou pou lev lanmen kont ou bann ladverser e tou ou bann lennmi pou ganny detri.

Ziz 16:28

Sanmson ti envok SENYER. I ti dir, “Senyer BONDYE! Mon priy ou mazin mwan; zis pour safwasi, mon Bondye, donn mwan lafors pour mwan vanz bann Filisten pour mon de lizye.”