Psonm 1:3 - Labib An Kreol Seselwa

³ I parey en pye dibwa ki'n ganny plante obor larivyer, ki raport fri dan son sezon; son fey i reste touzour ver. I reisi dan tou sa ki i antreprann.

Psonm 1:3 ပူးပေါင်းရင်းမြစ်များ

Zenez 39:23

Komandan prizon pa ti annan nanryen pour trakase, tou ti dan lanmen Zozef. SENYER ti avek li e i ti fer li reisi dan tou sa ki i ti antreprann.

Zenez 39:3

Son met ti war ki SENYER ti avek li, e ki SENYER ti fer li reisi dan tou sa ki i ti antreprann.

2 Rwa 18:7

SENYER ti avek li. I ti reisi dan tou sa ki i ti antreprann. I ti revolte kont lerwa Asiri e refize servi li.

1 Kronik 22:11

Alor, mon garson, SENYER ava avek ou, pour ki ou reisir e ou ava konstri en tanp pour SENYER, ou Bondye, parey in dir lo ou size.

1 Kronik 22:13

Si ou respekte e met an pratik tou bann lalwa ek regleman ki SENYER in donn Moiz pour Izrael, ou ava reisi. Reste for, pran kouraz e pa per; pa les lafreyer pran ou.

2 Kronik 31:21

Tou sa ki i ti fer pour servis tanp Bondye, dapre lalwa ek komannman, i ti fer avek tou son leker pour Bondye e i ti prospere.

2 Kronik 32:23

Bokou dimoun ti anmenn bann lofrann pour SENYER dan Zerizalenm, avek kado presye pour Ezekyas, lerwa Zida. Depi sa, bann nasyon ti annan gran respe pour li.

Liv Zob 14:9

i ava bourzonnen, parey en zenn plant ler i ganny delo.

Liv Zob 22:28

Ou ava reisi dan tou sa ki ou deside fer, e ou ava mars dan lalimyer.

Psonm 128:2

Ou pou profit rezilta travay ou lanmen; Ou pou ere e ou pou prospere.

Psonm 129:8

Bann pasan pa dir zot: SENYER ava beni ou! Nou beni ou, lo non SENYER!

Psonm 92:14

I kontinyen donn bann fri menm dan lavyeyes. I reste ver e ranpli avek lasev,

Psonm 92:15

e proklanmen ki SENYER i drwat. Li menm mon ros protekter e dan li napa okenn lenzistis.

Ezai 27:11

Ler bann brans i sek, zot ganny kase; bann fanm i vin met dife. Sa pep i san konpran. Pour sa rezon ki sa enn ki'n fer li, pou san pitye pour li; sa enn ki'n form li pa pou fer li okenn faver.

Ezai 3:10

Dir sa ki inosan koman i ere, akoz i pou rekolte fri son travay.

Ezai 44:4

Zot pou pouse parey zerb ver dan laplenn, parey pye var obor delo.

Ezai 58:11

SENYER pou touzour gid ou e donn ou tou sa ki ou bezwen. I pou redonn ou lafors ler ou dan difikilte e ou ava parey en zarden byen aroze, parey en sours ki pa zanmen mank delo.

Zeremi 17:8

I parey en pye dibwa plante obor delo. Son rasin i desann ver larivyer. I pa per kan letan lasaler i vini, son fey i reste touzour ver. En lannen lasesres pa trakas li; i kontinyen donn fri.

Ezekyel 17:8

Pourtan, i ti'n ganny transplante dan later fertil kot ti annan bokou delo, pour ki i raport bokou fri e vin en zoli pye rezen.

Ezekyel 19:10

Ou manman ti parey en pye rezen ki'n ganny plante obor en larivyer. Akoz i ti ganny bokou delo, son bann brans ti tale e sarze avek fri.

Ezekyel 31:5

Pour sa rezon, i'n vin pli gran ki tou lezot pye dibwa. I annan bokou brans, tou son bann gran brans in tale, akoz i ganny bokou delo.

Ezekyel 47:12

Me lo de bor larivyer, tou kalite pye fri pou pouse. Son bann fey pa pou zanmen fletri e i pou touzour donn fri. Zot pou raport fri sak mwan, akoz i pou ganny aroze avek delo ki sorti dan tanp. Son fri pou ganny servi pour nouritir e son feyaz pour remed.

Nonm 24:6

Zot parey bann long ranze palmye obor larivyer parey bann aloes ki SENYER in plante, parey pye sed obor delo.

Matye 13:6

Me kan soley ti leve, i ti bril bann pti plant e zot ti sek, akoz zot ti napa ase rasin.

Matye 21:19

I ti war en pye fig obor semen. Kan i ti al gete, i ti war zis fey. I ti dir avek sa pye fig, “Ou pa pou zanmen raport fri ankor!” Deswit sa pye fig ti sek.

Matye 21:34

Kan letan ti'n arive pour rekolte rezen, i ti anvoy detrwa serviter kot bann lokater pour al rod son par prodwi.

Matye 21:41

Zot ti reponn li, “I pou touy sa bann kriminel e i ava lwe sa plantasyon avek lezot lokater ki pou donn li son par letan rekolt.”

Levanzil dapre Zan 15:6

Tou dimoun ki pa reste ini avek mwan, parey en brans, i ganny rezete e i sek. Brans sek, i ganny ranmase, zet dan dife e ganny brile.

Deterononm 28:8

Benediksyon SENYER, ou Bondye ava avek ou bann provizyon ki ou'n anmase, e avek tou sa ki ou ava antreprann. I ava beni ou dan sa pei ki SENYER, ou Bondye pe donn ou.

Let Zid 1:12

Aprezan, prezans sa bann zonm in vin en skandal dan zot repa fraternel, kot zot vin zis ranpli zot vant san okenn laont. Zot parey bann nyaz ki divan i anmennen, me ki pa donn lapli. Zot parey bann pye dibwa ki pa prodwi okenn fri, menm pandan lasezon, e ki derasinen, i'n konpletman mor.

Revelasyon 22:2

I ti koul dan milye lari dan lavil. Lo de bor sa larivyer, ti annan pye dibwa lavi ki prodwi 12 rekolt, en rekolt par mwan. Fey sa pye dibwa i servi pour geri tou bann nasyon.