Psonm 1:2 - Labib An Kreol Seselwa

² O kontrer, i pran plezir dan lalwa SENYER e medit lo son komannman, lizour koman aswar.

Psonm 1:2 ပူးပေါင်းရင်းမြစ်များ

Zenez 24:63

Dan pti labrin, Izaak ti'n sorti pour al pronmnen dan laplenn. I ti lev lizye e i ti war bann samo pe vini.

Esdras 7:10

Esdras ti'n met tou son leker dan letid lalwa SENYER, met li an pratik e ansenny dan Izrael tou bann lalwa ek regleman.

Liv Zob 23:12

Mon'n touzour fidel anver bann komannman ki i'n donn mwan; mon'n gard dan mon leker, tou son bann parol.

Psonm 104:34

Mon swete ki mon parol i fer li plezir. Mon rezoui dan SENYER.

Psonm 112:1

Loue SENYER! Byennere sa enn ki annan respe pour SENYER; i pran gran plezir pour son komannman.

Psonm 119:1

Byennere sa bann ki annan en konportman san defo e ki mars dapre lalwa SENYER.

Psonm 119:11

Mon gard ou parol dan mon leker, pour mwan pa fer pese kont ou.

Psonm 119:35

Gid mwan lo semen ou bann komannman akoz mon kontan met zot an pratik.

Psonm 119:72

Lalwa ki sorti dan ou labous i pli bon pour mwan ki milyon lobze annor e annarzan.

Psonm 119:92

Si ou lalwa pa ti sours tou mon lazwa, mon ti ava'n mor dan lanmizer.

Psonm 40:8

Mon Bondye! Mon oule fer ou lavolonte. Ou lalwa in grave dan fon mon leker.

Psonm 88:1

SENYER, Bondye mon Sover! Lizour, lannwit mon kriy ver ou.

Zeremi 15:16

SENYER, Bondye liniver! Kan ou ti koz avek mwan, mon ti ekout tou sa ki ou ti dir Kan ou ti koz avek mwan, mon ti devor ou parol. In ranpli mon leker avek lazwa e kontantman e mon'n vin ou zanfan.

Levanzil dapre Lik 18:7

Eski Bondye pa pou rann lazistis bann ki i'n swazir e ki priy li lizour koman aswar? Eski i pou fer zot espere?

Levanzil dapre Lik 2:37

I ti'n reste vev. Aze 84 an, i pa ti kit Tanp. I ti kontinyen servi Bondye, lizour koman aswar; i ti zennen e priye.

Romen 7:22

Dan mwan menm, koman en zonm, mon ganny plezir dan Lalwa Bondye.

1 Tesalonisyen 2:9

Mon bann frer ek ser! Zot rapel sertennman nou travay ek nou lafatig: Pandan ki nou ti pe anons zot Bonn Nouvel, nou ti travay aswar koman lizour, pour ki nou pa vin en traka pour personn.

1 Timote 4:15

Pran byen aker sa responsabilite e met tou ou zefor ladan, pour ki tou dimoun ava war progre ki ou fer.

2 Timote 1:3

Mon remersye Bondye ki mon servi avek en konsyans pir, parey mon bann zanset ti fer. Mon remersye li sak fwa ki mon mazin ou dan mon lapriyer, aswar koman lizour.

Zozye 1:8

Sa liv lalwa pa pou kit ou labous. Ou ava medit lo li lizour e lannwit, pour ki ou ava azir dapre tou sa ki'n ekri. Konmsa, ou ava prospere e ou ava reisi.

1 Zan 5:3

Annefe, lanmour pour Bondye, se ki nou obei son komannman; e son bann komannman pa en fardo.