Psonm 1:1 - Labib An Kreol Seselwa

¹ Byennere sa enn ki pa ekout konsey bann malfeter, ki pa swiv legzanp dimoun ki fer sa ki mal, ki pa asiz parmi bann dimoun moker!

Psonm 1:1 ပူးပေါင်းရင်းမြစ်များ

Zenez 49:6

Mon pa pou zanmen pran par dan zot konplo. Dan zot lakoler, zot in touy dimoun e zot in koup zare bann toro pour zot prop plezir.

Zenez 5:24

I ti mars avek Bondye tou son lavi e apre i ti disparet, akoz Bondye ti pran li.

1 Rwa 16:31

Konmsi pa ti ase pour li komet bann pese parey Zeroboanm, garson Nebat, i ti marye avek Zezabel, fiy Et-Baal, lerwa Sidonit; i ti al kot Baal e ador li.

2 Kronik 22:3

Akazya ti osi swiv bann move legzanp fanmir Akab, akoz move konsey son manman.

Liv Zob 10:3

Ki plezir ou gannyen pour fer mwan soufer, pour ou mepriz ou prop kreatir e fer reisi proze bann malfeter?

Liv Zob 21:16

Zot boner pa i dan zot lanmen? Mon pa kapab aksepte bann plan ki bann malfeter i fer.

Liv Zob 31:5

Si mon'n viv dan mansonz, e si mon esey tronp dimoun,

Psonm 1:6

Annefe, SENYER i protez semen bann ki zis. Me bann malfeter i pran semen ki anmenn dan perdisyon.

Psonm 106:3

I byennere sa enn ki fer sa ki drwat e ki touzour pratik lazistis.

Psonm 112:1

Loue SENYER! Byennere sa enn ki annan respe pour SENYER; i pran gran plezir pour son komannman.

Psonm 119:115

Ou ki fer sa ki mal! Dekile kot mwan. Les mwan obzerv bann komannman mon Bondye.

Psonm 144:15

I byennere sa pep ki annan tousala! I byennere sa pep pour ki Bondye i SENYER!

Psonm 146:5

Byennere sa bann ki Bondye Zakob i zot sekour; bann ki met zot lespwar dan SENYER zot Bondye.

Psonm 146:9

SENYER i vey lo bann etranze. I protez bann vev ek bann orfelen, me i kas plan bann malfeter.

Psonm 2:12

rekonnet son garson; pangar i pran lakoler e ki ou mor dan semen. Akoz son lakoler i mont fasilman. Byennere sa enn ki met son konfyans dan SENYER.

Psonm 26:12

Mon debout ferm lo mon lipye. Mon pou loue SENYER dan bann gran lasanble.

Psonm 34:8

Goute e gete koman SENYER i bon! Sa enn ki pran li pour son labri i vreman ere.

Psonm 36:4

I prepar son bann move kou depi dan son lili. I antete swiv move semen; i pa fer nanryen ki byen.

Psonm 64:2

Fer mwan sape dan konplo sekre ki bann malfeter pe fer.

Psonm 81:12

Alor, mon ti les zot avek zot leker dir, pour zot fer koman zot oule.

Psonm 84:12

SENYER liniver! I byennere sa enn ki met son konfyans dan ou.

Proverb 1:15

Mon garson! Pa swiv zot semen; evit semen ki zot pran.

Proverb 1:22

Zot bann bet! Ziska kan zot pou kontinyen kontan zot sotiz? Ziska kan bann ensolan pou kontan ensilte, e bann sot deteste konnesans?

Proverb 13:15

Bon refleksyon i anmenn faver lezot; me dimoun san konfyans i swiv en semen perdisyon.

Proverb 13:20

Si ou frekant en saz, ou menm, ou ava vin saz; Si ou frekant dimoun ki bet, ou pou ganny problenm.

Proverb 19:29

Zizman in pare pour bann ki ensolan; Koudbaton pour ledo sa enn ki bet.

Proverb 2:12

I ava anpes ou tonm dan lemal e prezerv ou kont bann manter,

Proverb 3:34

SENYER pa pran ka dimoun ensolan; me i bon anver dimoun senp.

Proverb 4:19

Semen bann malfeter i parey gro fernwanr; zot pa konnen kwa ki fer zot tonbe.

Proverb 9:12

Si ou saz, zis ou ki pou profite; si ou ensolan, zis ou ki pou port konsekans.

Zeremi 15:17

Mon pa'n frekant dimoun ki pas zot letan anmize e fer lafet. Akoz mon ti anba ou lotorite, mon pa'n mel mwan avek zot e mon ti'n ranpli avek lakoler kont lepep.

Zeremi 17:7

Me mon beni sa zonm ki met son konfyans dan SENYER, e ki kont antyerman lo SENYER.

Ezekyel 20:18

Mon ti dir avek zot bann zanfan dan dezer: Pa obei lalwa zot bann zanset, pa gard zot bann regleman, ni rann zot enpir avek zot bann zidol.

Matye 16:17

Zezi ti reponn li, “Ou ere, Simon, garson Zonas! Annefe, sa ki ou'n dir, pa en dimoun ki'n dir ou, me mon Papa ki dan lesyel.

Levanzil dapre Lik 11:28

Me Zezi ti dir, “Ere plito sa enn ki ekout Parol Bondye e met li an pratik.”

Levanzil dapre Lik 23:51

I pa ti dakor avek sa ki Konsey ti'n deside e avek sa ki zot ti'n fer. I ti pe atann Rwayonm Bondye.

Levanzil dapre Zan 13:17

Aprezan ki zot konn sa, zot ava ere si zot met li an pratik.

Levanzil dapre Zan 20:29

Zezi ti dir li, “Aprezan, ou krwar akoz ou'n war? Ere bann ki krwar san ki zot in war!”

Romen 5:2

Gras a Zezi, nou kapab, par lafwa, ganny lagras Bondye, dan ki nou annan lavi. Sa ki fer nou fyer, se lespwar pour ganny en par dan mazeste Bondye.

Efezyen 6:13

Pour sa rezon, zot devre met lo tou bann zarm ki Bondye in donn zot. Alor, kan bann move zour ava arive, zot ava kapab defann zot kont latak lennmi. Kan zot ava'n fini lite ziska zot dernyen zour, zot ava ankor kapab tenir ferm.

Deterononm 14:6

Ou ava kapab manz tou zannimo avek sabo ki fann an de e ki riminen.

Deterononm 33:29

Izrael! Ou byennere. Lekel ki parey ou? En pep ki SENYER in sove; ou boukliye ki sekour ou ou lepe ki donn ou laviktwar. Ou bann lennmi pou kourbe devan ou; ou pou mars lo zot.

1 Pyer 4:3

Annefe, pandan ase lontan, zot in viv parey bann etranze, dan vis, move dezir, lavi soular, bann parti bwar avek move aksyon ek ladorasyon zidol degoutan.

Revelasyon 22:14

Byennere bann ki lav zot rob pour ki zot ganny drwa manz fri pye dibwa lavi, e antre dan lavil par laport.