Proverb 9:1 - Labib An Kreol Seselwa

¹ Lasazes in konstri son lakaz; in tay son set kolonn.

Proverb 9:1 ပူးပေါင်းရင်းမြစ်များ

1 Rwa 7:21

I ti plas sa de kolonn devan lavarang tanp; kolonn ki ti adrwat ti apel Yakin e kolonn agos ti apel Boaz.

1 Rwa 7:6

Apre, Salomon ti konstri Lasal Kolonn ki ti mezir 25 met longer e 15 met larzer; i ti form en lavarang avek bann kolonn ek son ovan devan.

Proverb 1:20

Lasazes i kriye dan bann semen. I fer tande son lavwa lo bann plas piblik.

Proverb 2:1

Mon garson! Si ou aksepte mon bann parol; si ou gard byen mon bann komannman;

Proverb 24:3

Avek lasazes ki en lakaz i ganny konstri; e avek larezon i vin solid.

Proverb 3:1

Mon garson! Pa oubliy mon lansennyman; gard mon bann komannman dan ou leker.

Proverb 8:1

Ekoute! Lasazes pe apele. Rezonnman pe fer tande son lavwa.

Ezai 55:1

Zot ki swaf! Vin bwar delo. Zot ki napa larzan! Vini, vin manze pour nanryen! Vini, vin aste diven ek dile san larzan, san peye!

Matye 16:18

Mwan, mon deklare ki ou Pyer, e lo sa ros mon pou konstri mon Legliz, e pwisans lanmor pa pou ranport laviktwar kont li.

Galat 2:9

Kan zot ti rekonnet lagras ki mon ti'n gannyen, Zak, Pyer ek Zan ki ti ganny konsidere koman bann dirizan, bann kolonn, zot ti donn mwan ek Barnabas lanmen drwat; sa ti koman en siny lakominyon. Alor, nou ti tonm dakor ki Barnabas ek mwan, nou pou al kot bann non-Zwif e zot, zot pou al kot bann Zwif.

1 Timote 3:15

An tou ka, si mon tarde, ou ava konnen ki mannyer fodre konport ou dan lafanmir Bondye, savedir dan Legliz Bondye ki vivan, ki soutenir e protez laverite.

Revelasyon 3:12

Sa enn ki ganny laviktwar, mon pou fer li vin en pilye dan tanp mon Bondye e i pa pou zanmen sorti. Mon pou ekri lo li, non mon Bondye, ek non lavil mon Bondye: Nouvo Zerizalenm ki desann sorti dan lesyel kot mon Bondye. Mon pou osi ekri mon nouvo non lo li.