Proverb 8:18 - Labib An Kreol Seselwa

¹⁸ Mon posed larises ek loner, bann byen dirab ek lazistis.

Proverb 8:18 ပူးပေါင်းရင်းမြစ်များ

Psonm 112:3

Son lakaz i ranpli avek larises ek byennet; son lazistis i pour touzour.

Psonm 36:6

Ou lazistis i depas bann montanny; ou bann zizman i desann ziska dan profonder lanmer. SENYER! Ou sov bann et imen ek bann zannimo.

Proverb 11:4

Larises pa servi dan nanryen zour lakoler i leve; me lazistis i delivre dan lanmor.

Proverb 24:4

Bann lasanm i ganny meble avek disernman, avek bann lobze presye e zoli.

Proverb 3:16

Lavi long i dan son lanmen drwat; larises ek loner i dan son lanmen gos.

Matye 6:33

Rod plito Rwayonm Bondye ek son lazistis, e li menm i ava donn zot leres ki zot bezwen.

Levanzil dapre Lik 10:42

En sel keksoz i neseser. Mari in swazir sa meyer par ki personn pa pou ganny pran avek li.”

Levanzil dapre Lik 12:33

Vann tou sa ki zot posede e donn sa larzan bann pov. Fer bann portmonnen ki pa ize, e anmas zot larises dan lesyel, kot voler pa kapab aprose, e kot karya pa kapab detri.

2 Korentyen 6:10

Nou pas par latristes, me nou touzour dan lazwa. Nou pov, me nou anrisi bokou dimoun. Nou paret napa nanryen, me an realite nou posed tou!

Efezyen 3:8

Mon pli pti parmi tou bann krwayan. Pourtan, Bondye in donn mwan sa privilez pour anons bann non-Zwif, larises Kris ki san limit.

Filipyen 4:19

Dan son larises, mon Bondye ava donn zot tou sa ki zot bezwen, par Zezi-Kri.

Let Zak 2:5

Mon bann frer byenneme! Ekoute: Bondye in swazir dimoun ki pov dan lemonn, pour fer zot ris dan lafwa, e vin bann zeritye Rwayonm ki i'n promet bann ki kontan li.

Revelasyon 3:18

Pour sa rezon, mon konsey ou: Vin aste avek mwan lor ki'n ganny teste dan dife, e ou ava vin ris. Vin aste lenz blan kot mwan, pour ou abiye e kasyet laont ou touni. Vin aste osi en remed pour ou pas lo ou lizye pour ou kapab war kler.