Proverb 6:6 - Labib An Kreol Seselwa

⁶ Parese! Obzerv en fourmi. Gete koman i viv e ou ava vin saz.

Proverb 6:6 ပူးပေါင်းရင်းမြစ်များ

Proverb 1:17

I initil poz en latrap letan zwazo pe get ou.

Proverb 10:26

Parey vineg i fer grense ledan e lafimen i bril lizye, en travayer ki pares i fer ankoler son met.

Proverb 10:4

Lanmen ki pares i anmenn lanmizer; me lanmen ki travay i anmenn larises.

Proverb 13:4

Dezir sa enn ki pares pa zanmen abouti; Me sa enn ki travay dir i realiz tou sa ki i anvi.

Proverb 15:19

Semen sa enn ki pares i ranpli avek rons ek pikan; me semen sa enn ki drwat i lib e san problenm.

Proverb 18:9

Sa enn ki neglizan dan son travay i frer avek sa enn ki detri.

Proverb 19:15

Lapares i fer tonm dan sonmey; sonmey i fer soufer lafen.

Proverb 19:24

Sa enn ki pares i plonz son lanmen dan pla; me i pa anmenn son lanmen kot son labous.

Proverb 20:4

Sa enn ki pares pa travay son later ler fodre; dan letan larekolt, i pou napa nanryen pour rekolte.

Proverb 21:25

Dezir en parese i touy li, akoz son lanmen i refize travay.

Proverb 22:13

Sa enn ki pares i dir: I annan en lyon deor; mon pou ganny touye dan semen.

Proverb 23:19

Ou, mon garson! Ekoute e ou ava vin saz; diriz ou lespri dan bon semen.

Proverb 30:24

I annan kat keksoz ki tipti lo later me zot vreman entelizan;

Proverb 30:25

bann fourmi ki napa lafors, me ki prepar zot nouritir pandan lete;

Proverb 6:9

Parese! Ziska kan ou pou reste dormi? Kan eski ou pou reveye dan ou sonmey?

Ezai 1:3

En bef i konn son met, en bourik i konn manzwar kot son met i donn li manze; me Izrael pa konn mwan; mon pep pa konpran.

Zeremi 8:7

Menm sigonny i konnen kan pour li kit pei. Tourtrel, zirondel ek griv, zot konn sezon pour zot emigre. Me mon pep pa tenir kont bann regleman ki mon'n donn li.

Matye 25:26

Son met ti reponn li: Ou en serviter ki move e pares! Ou ti konnen ki mon rekolte kot mon pa'n senmen e ki mon rekolte kot mon pa'n plante.

Matye 6:26

Get bann zwazo: Zot pa ni senmen, ni rekolte, e ni met nanryen an rezerv. Pourtan, zot Papa ki dan lesyel i nouri zot. Eski zot pa vo bokou plis ki bann zwazo?

Romen 12:11

Pa fer pares, me servi Senyer avek tou zot leker.

Ebre 6:12

Alor, pa fer pares, me swiv legzanp bann ki krwar e ki persevere pour zot erit bann promes Bondye.