Proverb 6:23 - Labib An Kreol Seselwa

²³ Annefe, bann komannman i en lalanp, e lansennyman en lalimyer; bann lavertisman ek bann koreksyon, i en semen lavi.

Proverb 6:23 ပူးပေါင်းရင်းမြစ်များ

Zenez 39:8

Me i ti refize e i ti dir fanm son met, “Mon met pa okip nanryen dan lakaz e in konfye mwan tou sa ki i posede.

Psonm 119:105

Ou parol i en lalanp pour ekler mon lipye e en lalimyer lo mon semen.

Psonm 119:130

Revelasyon ou parol i donn lalimyer; i donn disernman sa enn ki senp.

Psonm 141:5

Mon aksepte ganny pini par en zonm zis e ganny korize avek bonte. Sa i en zes ki mon pa kapab refize.

Psonm 19:8

Bann direktiv SENYER i zis; zot fer leker kontan. Bann komannman SENYER i donn lalimyer; zot fer war kler.

Proverb 10:17

Sa enn ki aksepte disiplin i lo semen lavi; me sa enn ki refize ganny korize, pe sorti lo bon semen.

Proverb 15:24

En saz i swiv semen ki mont ver lavi; konmsa, i evit lemonn lanmor ki par anba.

Proverb 15:31

Sa enn ki ekout konsey ki lavi i donn li, ava annan son plas parmi bann saz.

Proverb 29:15

Roten ek reprimann i donn lasazes. Me en garson ki kapab fer tou sa ki i oule, i fer laont son manman.

Proverb 3:18

Pour sa enn ki sezi li, lasazes i en pye dibwa ki donn lavi; sa enn ki gard li byen, i ganny deklare byennere.

Proverb 4:13

Gard lenstriksyon ki ou'n gannyen, pa abandonn li; gard li, akoz i ou lavi.

Proverb 4:4

Mon papa ti ansenny mwan; i ti dir mwan: Gard mon bann parol lo ou leker; obzerv mon bann komannman e ou ava viv.

Proverb 5:12

Alor, ou ava dir: Mon'n deteste disiplin, mon leker in mepriz bann konsey,

Eklezyas 7:26

Alor, mon'n dekouver sa ki pli anmer ki lanmor: En fanm ki tant zonm, son leker i parey en pyez e son lanmen i parey lakord. Sa zonm ki fer plezir Bondye pou sape, me en peser pou pri dan son lasenn.

Eklezyas 7:5

Plito ekout repros en saz ki ekout sanson bann sot.

Ezai 8:20

Konsilte lalwa ek bann temwannyaz! Si zot pa pe eksprim dapre sa parol, Napa lespwar lalimyer en nouvo zour pour lepep.

Zeremi 21:8

Ou ava dir sa pep: La sa ki SENYER i deklare: Mon pou les ou swazir ant semen lavi ek semen lanmor.

Ezekyel 20:11

Mon ti donn zonm mon bann lalwa e fer zot konn mon bann regleman ki pou fer zot viv, si zot met li an pratik.

Levitik 19:17

Ou pa pou annan okenn laenn dan ou leker kont ou prosen; reprimann ou prosen pour ou pa responsab son pese.

2 Pyer 1:19

Ensi, nou osi annan konfyans dan parol solid bann profet. Zot annan rezon port bokou latansyon lo la, akoz i koman en lalimyer ki briye dan fernwanr, ziska ki lizour i fer e zetwal granmaten i leve e briy dan zot leker.

Revelasyon 2:5

Alor, mazinen kote ou'n sorti pour tonbe. Detourn ou avek ou bann pese, e pratik sa bann aksyon parey o konmansman. Si ou pa abandonn ou pese, mon pou vin kot ou e mon pou tir ou portlanp dan son plas.