Proverb 6:12 - Labib An Kreol Seselwa

¹² Sa enn ki koz lalang partou kot i pase, i en vagabon, en malfeter.

Proverb 6:12 ပူးပေါင်းရင်းမြစ်များ

Psonm 10:3

I vant son lekor akoz son bann move dezir. Akoz in reisi, i gognard SENYER e mepriz li.

Psonm 10:7

Zis malediksyon, mansonz ek vyolans ki sorti dan son labous. Anba son lalang i annan zis forfe ek mesanste.

Psonm 101:3

Mon pa pou get nanryen ki napa valer. Mon pou deteste fason fer bann ki egare. Zot pa pou annan nanryen pour fer avek mwan.

Psonm 36:3

Dan son labous i sorti zis mansonz ek frod; i nepli fer sa ki byen, sa ki saz.

Psonm 59:7

Zot labous i deborde avek parol menas. Zot dir: Lekel ki pou antann nou?

Proverb 10:32

Parol sa enn ki zis i fer plezir; me lalang bann malfeter i fer dimal.

Proverb 11:6

Lazistis en zonm onnet i sov li. Me en tret i ganny pri dan pyez son prop lanvi.

Proverb 16:27

Dimoun malonnet i mazin fer sa ki mal; son labous i brile pour fer mesanste.

Proverb 16:30

Sa enn ki ferm lizye pe prepar en move kou; sa enn ki mord lalev in deza fer sa ki mal.

Proverb 17:4

En malfeter i ekout bann move parol; en manter i ekout bann parol mansonz.

Proverb 2:12

I ava anpes ou tonm dan lemal e prezerv ou kont bann manter,

Proverb 3:32

akoz SENYER i deteste sa enn ki fourb; me i partaz son bann sekre avek sa enn ki drwat.

Proverb 4:24

Pa les mansonz sorti dan ou labous; pa fer okenn medizans.

Proverb 6:14

Son lespri i rod fer sa ki mal, i pe touzour prepar en move kou e provok dispit.

Proverb 8:13

Ler ou annan respe anver SENYER, ou deteste sa ki mal. Mon deteste lorgey ek larogans, movez aksyon ek mansonz.

Zeremi 24:2

Dan en pannyen, ti annan bann zoli fig ki ti'n mir avan rekolt. Dan lot pannyen, ti annan bann fig ki ti'n gate, ki ti nepli bon pour manze.

Matye 12:34

Ras serpan ki zot ete! Ki mannyer zot pou kapab dir bon keksoz, kan zot menm, zot move? Annefe, labous i dir sa ki deborde dan leker.

Akt de Zapot 20:30

Menm parmi zot, pou annan dimoun ki pou leve pour ansenny bann mansonz pour antrenn bann krwayan avek zot.

1 Timote 5:13

An plis ki sa, akoz zot nanryen fer, zot pran labitid pas zot letan sorti dan en lakaz pour al dan en lot. Pir ki sa: Zot koz bonnavini, zot fournen, e koz lo sa ki pa konsern zot.

Let Zak 1:21

Alor, rezet tou bann salte dan zot lavi ek tou bann move mannyer viv. Aksepte avek douser parol ki Bondye in plant dan ou leker, akoz sa parol i annan pouvwar pou sov ou.

Let Zak 3:6

Lalang osi i parey en dife. I en lemonn lemal ki'n ganny enstale dan nou lekor e i sali nou lekor antye. I met dife dan nou legzistans antye, avek en dife ki sorti depi lanfer.

1 Samyel 17:28

Eliab, son gran frer, ki ti'n antann li koz avek sa bann zonm, ti ankoler kont David. I ti dir, “Akfer ou'n desann isi? Avek ki ou'n les ou pti troupo dan dezer? Mon konn byen ou larogans e ou move leker. Ou'n desann isi pour vin get lager.”