Proverb 5:22 - Labib An Kreol Seselwa

²² Malfeter i ganny pri dan son prop latrap. Lasenn son pese i anpay li.

Proverb 5:22 ပူးပေါင်းရင်းမြစ်များ

1 Rwa 18:18

Eli ti reponn, “Pa mwan ki anmenn maler lo Izrael, me ou, avek tou lafanmir ou papa, akoz zot in abandonn bann komannman SENYER pour al swiv bann Baal.

Ester 9:25

Me kan Ester ti prezant li devan lerwa, lerwa ti donn lord par ekri, ki sa konplo prepare par Haman, i retonm lo li menm; ki Haman avek son bann garson, zot ganny pann lo lesafo.

Liv Zob 18:8

Son prop lipye pou anmenn li dan en lasenn, e i deza pe mars dan son bann may.

Psonm 40:12

En kantite maler in serkle mwan partou; i tro bokou pour konte. Mon bann pese in retonm lo mwan; zot anpes mwan war kler; zot plis ki seve lo mon latet e mon'n perdi kouraz.

Psonm 9:15

Bann nasyon in tonm dan trou ki zot ti'n fouye; zot in pri dan latrap ki zot ti'n mete.

Psonm 9:17

Bann malfeter pou al dan lemonn lanmor, parey tou bann nasyon ki oubliy Bondye.

Proverb 1:18

Me sa bann zans i poz en latrap pour zot prop maler; zot zet en lasenn kont zot prop lavi.

Proverb 11:3

Lonnekte i gid sa enn ki zis; me mesanste sa enn ki fo, i anmenn son prop destriksyon.

Proverb 11:5

Lazistis en zonm onnet i gard li lo bon semen; me malfeter i tonbe akoz son mesanste.

Proverb 11:6

Lazistis en zonm onnet i sov li. Me en tret i ganny pri dan pyez son prop lanvi.

Proverb 12:14

Parey travay fer avek lanmen i donn en saler, parol sorti dan labous, i anmenn sikse.

Proverb 14:32

Malfeter i ganny kraze par son prop mesanste; me sa enn ki zis i gard konfyans menm devan lanmor.

Proverb 18:7

Labous sa enn ki bet i koz son larin; son lalev i en pyez pour li.

Proverb 24:12

Si ou dir: Nou pa ti konnen; eski sa enn ki egzamin leker pa pou konpran? Sa enn ki vey lo ou pa pou konnen? Pa i pou rekonpans sakenn dapre son aksyon?

Proverb 26:27

Sa enn ki fouy en trou pour tonm ladan; ros i tonm lo sa enn ki'n roul li.

Eklezyas 7:26

Alor, mon'n dekouver sa ki pli anmer ki lanmor: En fanm ki tant zonm, son leker i parey en pyez e son lanmen i parey lakord. Sa zonm ki fer plezir Bondye pou sape, me en peser pou pri dan son lasenn.

Zeremi 2:19

Ou prop pese ki pini ou. Ou bann enfidelite pe retourn kont ou. Konmsa, ou ava aprann ki mannyer i fer mal abandonn mwan, SENYER ou Bondye, e pa reste fidel anver mwan, SENYER, Bondye liniver i deklare.

Lamantasyon 1:14

I'n fer en pake avek mon bann pese ki i'n met lo mon zepol. I'n diminyen mon lafors. SENYER in livre mwan dan lanmen lennmi. Mon pa kapab defann mon lekor.

Abdyas 1:15

Annefe, zour SENYER i pros, en zour terib pour tou bann nasyon. Ou pou ganny trete parey ou'n tret lezot. Ou bann move aksyon pou retonm lo ou latet.

Nonm 32:23

Me si zot pa gard zot promes, mon averti zot ki zot pou komet en pese devan SENYER. Konnen ki i pou pini zot pour sa pese.

Ebre 13:4

Maryaz i devre ganny onore par tou dimoun. Mari ek fanm i devre reste fidel anver kanmarad. Bondye pou ziz bann ki anmenn en lavi dezordonnen e adilter.

Ziz 20:41

Bann Izraelit ti vir lo zot. Bann Benzamit ti sezi avek laper ler zot ti war maler ki ti'n tap zot.

Ziz 9:57

Bondye ti osi fer bann zabitan Sikenm, peye pour tou zot bann mesanste. Konmsa, malediksyon Yotanm, garson Yeroub-Baal, ti realize.