Proverb 4:4 - Labib An Kreol Seselwa

⁴ Mon papa ti ansenny mwan; i ti dir mwan: Gard mon bann parol lo ou leker; obzerv mon bann komannman e ou ava viv.

Proverb 4:4 ပူးပေါင်းရင်းမြစ်များ

Zenez 18:19

Annefe, mon'n swazir li, pour li ansenny son bann zanfan ek son desandans apre li, pour zot gard komannman SENYER dapre lazistis ek ladrwatir. Konmsa, SENYER ava akonpli sa ki i'n promet Abrahanm.”

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

Psonm 119:11

Mon gard ou parol dan mon leker, pour mwan pa fer pese kont ou.

Psonm 119:144

Ou bann lord i zis pour touzour. Donn mwan disernman pour mwan viv.

Psonm 119:168

Mon annan respe pour ou bann direktiv ek ou bann lord; ou war tou sa ki mon fer.

Proverb 22:6

Donn en zanfan bann bon labitid depi son zenn az; I ava ankor pe met zot an pratik dan son vye zour.

Proverb 23:26

Mon garson! Donn mwan ou leker; pran plezir swiv mon legzanp.

Proverb 3:1

Mon garson! Pa oubliy mon lansennyman; gard mon bann komannman dan ou leker.

Proverb 3:2

Zot ava fer ou viv pli lontan e ou ava ere.

Proverb 7:2

Gard mon bann komannman e ou ava viv; gard mon lansennyman koman ou kannet lizye.

Ezai 55:3

Met ou zorey apik! Vin kot mwan; Ekoute e ou ava viv! Mon pou fer avek ou en lalyans eternel; mon fidelite pour David i asire.

Zeremi 38:20

Zeremi ti reponn, “Non, ou pa pou ganny livre avek ou bann prop zanmi. Mon demann ou ekout sa ki mon pe dir ou e ki sorti kot SENYER. Si ou ekout mwan, tou pou al byen e ou ava reste vivan.

Levanzil dapre Zan 12:50

Mon konnen ki son komannman i donn lavi eternel. Se pour sa rezon ki mon dir: Sa ki mon pe dir, se mon Papa ki'n dir mwan dir.”

Efezyen 6:4

Zot, bann papa! Pa eksit lakoler zot zanfan; me o kontrer, elve zot dan en ledikasyon ek disiplin enspire par Senyer.

Deterononm 4:9

Selman, fer atansyon! Vey byen lo ou menm tou le zour ou lavi, pour ki ou pa oubliy sa ki ou lizye in war; gard zot dan ou leker. Ansenny tousala ou bann zanfan ek ou bann pti zanfan.

Deterononm 6:6

Gard dan ou leker, tou sa bann komannman ki mon pe donn ou ozordi.

2 Timote 1:5

Mon rapel ou lafwa senser, sa lafwa ki ou gran manman Lois ek ou manman Enis ti posede avan ou, e ki aprezan, mon sir, ou osi, ou posede.

2 Timote 3:15

Annefe, depi ou lanfans, ou konn Lekritir sent, ki kapab donn ou lasazes ki kondwir ver lavi eternel, par lafwa dan Zezi-Kri.

Ebre 5:9

Ler i ti'n ganny laperfeksyon, i'n vin sours delivrans eternel pour tou bann ki obei li.

Ziz 13:12

Manoa ti dir li, “Aprezan, kan ou parol ava ganny realize, ki nou devre fer pour sa garson e ki regleman nou devre adopte anver li?”