Proverb 4:23 - Labib An Kreol Seselwa

²³ Sirtou, vey lo ou leker, akoz i sours lavi.

Proverb 4:23 ပူးပေါင်းရင်းမြစ်များ

2 Rwa 10:31

Me Zehou pa ti pran ka pour mars dapre lalwa SENYER, Bondye Izrael avek tou son leker. I ti kontinyen komet bann menm pese ki Zeroboanm ti fer Izrael komet.

Proverb 11:16

En zoli fanm i ganny onore; zonm for i ganny zis larises.

Proverb 13:3

Sa enn ki vey lo parol ki i dir, i protez son lavi. Sa enn ki koz tro bokou, pou konn larin.

Proverb 16:17

Semen sa enn ki drwat i evit lemal; sa enn ki vey lo son mannyer viv, i protez son lavi.

Proverb 22:5

Semen en zonm ki fo i kouver avek bann bison pikan ek bann pyez. Sa enn ki oule protez son lavi, i evit sa semen.

Proverb 23:19

Ou, mon garson! Ekoute e ou ava vin saz; diriz ou lespri dan bon semen.

Proverb 28:26

Sa enn ki fer konfyans dan son prop zizman, i en fou; Me sa enn ki les li kondwir par lasazes, ava ganny delivre dan danze.

Proverb 3:21

Mon garson! Gard ou lizye fikse lo lasazes ek refleksyon.

Proverb 4:7

Pour vin en saz, konmans par ganny lasazes. Donn tou sa ki ou posede pour ou ganny disernman.

Eklezyas 5:13

Mon'n war en gran maler anba soley: Larises ki en zonm i akimile; sa i pour son maler.

Zeremi 17:9

Leker imen i fourb e koronpi. I pa kapab ganny geri. Lekel ki kapab konpran li?

Matye 15:18

Me sa ki sorti dan son labous, i sorti dan son leker. Sa, ki rann en dimoun enpir.

Matye 15:19

Annefe, dan leker i sorti tou bann move panse: Mert, adilter, lavi imoral, vole, fer kalonmni, ek medizans.

Mark 14:38

Veye e priye pour zot pa tonm dan tantasyon. Lespri i for, me lekor i feb.”

Levanzil dapre Lik 6:45

En zonm ki bon, i tir dibyen dan kof son bon leker. Tandis ki en zonm ki pa bon, i tir dimal dan kof son move leker. Annefe, sa ki labous i dir, i sa ki deborde dan leker.”

Deterononm 4:9

Selman, fer atansyon! Vey byen lo ou menm tou le zour ou lavi, pour ki ou pa oubliy sa ki ou lizye in war; gard zot dan ou leker. Ansenny tousala ou bann zanfan ek ou bann pti zanfan.

Ebre 12:15

Fer atansyon ki personn pa mepriz lagras Bondye. Pa les okenn rasin anmer pouse e koz problenm ki afekte kominote.