Annou konn li, annou vreman rode pour konn SENYER. I pou aparet, sa i sir parey lizour i fer. I pou vini zis parey lapli i tonbe, parey lapli i aroz later dan sezon lapli.
Alor, zot ava vin bann vre garson zot Papa ki dan lesyel. Annefe, i fer son soley leve lo bann ki move e lo bann ki bon; i fer tonbe lapli lo bann ki zis e lo bann ki pa zis.
Nou tou ki vwal i'n ganny tire lo nou figir, nou reflekte laglwar Senyer. Ensi, nou'n ganny transformen, pour viv parey Senyer. Nou sorti dan en laglwar pour al dan en laglwar bokou pli gran: Sa i travay Senyer ki li menm i Lespri.
Konmsa, zot ava inosan, san repros, bann zanfan Bondye san defo parmi dimoun malonnet e move ki dan sa monn. Zot devre briye parmi sa bann dimoun, parey bann zetwal dan lesyel,
Ensi, nou osi annan konfyans dan parol solid bann profet. Zot annan rezon port bokou latansyon lo la, akoz i koman en lalimyer ki briye dan fernwanr, ziska ki lizour i fer e zetwal granmaten i leve e briy dan zot leker.
Pou nepli annan lannwit. Zot pou nepli bezwen ni lalimyer en lalanp, ni lalimyer soley, akoz Senyer Bondye pou vin zot lalimyer. Zot pou renny pour touzour.