Proverb 31:9 - Labib An Kreol Seselwa

⁹ Koze! Ziz avek lazistis. Defann lakoz bann pov ek bann dezerite.

Proverb 31:9 ပူးပေါင်းရင်းမြစ်များ

2 Samyel 8:15

Alor David ti etabli son renny lo pep Izrael antye; e i ti rann lazistis son preferans lo son pep antye.

Liv Zob 29:12

Annefe, mon ti sekour bann pov ki ti demann led, e bann orfelen abandonnen.

Psonm 82:3

Defann drwa bann pov ek bann orfelen. Rann lazistis bann malere e bann ki napa nanryen.

Proverb 16:12

I degoutan pour en lerwa fer sa ki mal, akoz pratik lazistis ki etabli son pouvwar.

Proverb 20:8

Kan lerwa i syez lo son tronn pour rann zizman, i war toudswit sa ki move.

Proverb 29:7

Sa enn ki zis i konn drwa en pov; en malfeter pa konpran sa.

Ezai 1:17

Aprann fer sa ki byen, rod lazistis, sov sa enn ki ganny kraze; defann bann orfelen, pran ka avek bann vev.

Ezai 1:23

Ou bann sef in vin rebel; zot konplis avek voler. Zot tou zot kontan pran gous. Zot tou zot kontan kado. Zot pa defann bann orfelen. Zot pa ekout ka bann vev.

Ezai 11:4

I pou ziz bann pov dapre lazistis e desid avek ladrwatir, an faver bann ki san defans lo later. Lo son lord, zabitan later pou ganny pini. I pou detri bann move dimoun avek son souf.

Zeremi 21:12

Zot ki sorti dan lafanmir David, la sa ki SENYER i deklare: Pratik vre lazistis tou le bomaten. Delivre bann ki pe ganny kraze anba lanmen bann ki pli for. Sankwa, akoz zot bann move aksyon, mon lakoler pou eklate parey en dife, ki personn pa kapab tennyen.

Zeremi 22:3

Pratik lazistis e fer tou dapre ladrwatir. Delivre malere ki pe ganny vole. Pa bezwen eksplwat bann etranze, bann orfelen oubyen bann vev; pa servi vyolans e pa touy dimoun inosan dan sa landrwa.

Zeremi 23:5

La sa ki SENYER i deklare: Bann zour pe vini, kan mon pou fer paret en vre desandan David. En lerwa ki pou renny avek disernman e ki pou fer respekte lalwa ek lazistis dan pei.

Zeremi 5:28

Zot in vin gro e gra. Zot move mannyer fer napa limit: Zot fer sir ki drwa bann orfelen pa ganny zize korekteman. Zot pa tenir kont drwa bann pov.

Danyel 4:27

Mazeste! Aksepte mon konsey: Ranplas ou bann pese par lazistis e ou bann fot par konpasyon anver bann pov. Petet sa ava prolonz ou trankilite.”

Levitik 19:15

Pa rann okenn zizman enzis; pa fer preferans pour sa enn ki pov, ni favoriz sa enn ki pwisan. Ou ava ziz ou prosen avek lazistis.

Zakari 7:9

La sa ki SENYER liniver i deklare: Rann bann vre zizman; pratik labonte ek konpasyon antre zot.

Zakari 9:9

Fiy Siyon! Danse avek lazwa. Fiy Zerizalenm! Kriy byen for! Ou lerwa pe vin kot ou! I pe vin an triyonf e viktorye; i pe vini koman en dimoun senp, lo en bourik, en pti bourik, piti en femel bourik.

Levanzil dapre Zan 7:24

Aret ziz lo laparans, me ziz dapre lazistis.”

Deterononm 1:16

Alor, mon ti osi demann bann ziz: Ekout zot bann frer e ziz sakenn dapre lazistis, ki swa sitwayen oubyen rezidan etranze.

Ebre 1:9

Ou kontan lazistis, e ou deteste lemal. Pour sa rezon, Bondye, ou Bondye in konsakre ou avek en delwil lazwa, e i'n fer ou pli gran ki ou bann zanmi avek ou.

Revelasyon 19:11

Answit, mon ti war lesyel ouver, e en seval blan ti aparet. Sa enn ki ti pe mont sa seval, ti apel Fidel e Vre. I zize e konbat avek lazistis.

1 Samyel 19:4

Zonatan ti koz avek son papa, Sail, an faver David. I ti dir li, “Mon rwa! Pa fer pese kont ou serviter David, akoz i pa'n fer pese kont ou. O kontrer, i'n byen azir anver ou:

1 Samyel 20:32

Zonatan ti reponn son papa, Sail, “Akoz i bezwen ganny touye? Ki i'n fer?”