Proverb 3:6 - Labib An Kreol Seselwa

⁶ Rekonnet li dan tou sa ki ou antreprann e i ava gid ou lo ou semen.

Proverb 3:6 ပူးပေါင်းရင်းမြစ်များ

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

Esdras 7:27

Esdras ti dir, “Loue SENYER, Bondye nou bann zanset! I'n tous leker lerwa pour fer sa gran loner tanp SENYER ki Zerizalenm.

Nehemi 1:11

O SENYER! Ekout mon lapriyer e siplikasyon ou bann serviter ki pran plezir pour onor ou non. Fer ou serviter reisi ozordi e fer li ganny faver sa zonm.” Sa lepok mon ti responsab labwason lerwa.

Nehemi 2:4

Lerwa ti dir mwan, “Ki ou annan pour demann mwan?” Alor mon ti priy Bondye dan lesyel.

Nehemi 7:5

Bondye ti met dan mon lespri lide pour rasanble bann sef, bann zofisye ek lepep, pour fer en resansman. Mon ti war en liv lalis bann egzile ki ti'n retourn premye dan pei.

Psonm 32:8

Mon pou ansenny ou. Mon pou montre ou ki semen ou pou swiv. Mon pou konsey ou; mon lizye pa pou kit ou.

Proverb 11:5

Lazistis en zonm onnet i gard li lo bon semen; me malfeter i tonbe akoz son mesanste.

Proverb 16:3

Konfye ou travay avek SENYER, e ou ava realiz ou bann proze.

Proverb 16:9

Leker imen i fer bann plan; me SENYER ki diriz son aksyon.

Proverb 23:17

Pa zalou bann peser dan ou leker; me touzour annan respe anver SENYER,

Ezai 26:7

Semen lazistis i drwat. Ou ki zis! Fer drwat semen sa enn ki zis.

Ezai 30:21

Ler ou pou al adrwat ou agos, ou pou antann en lavwa deryer ou: La semen; swiv li.

Ezai 45:13

SENYER liniver i deklare: Mwan ki'n lev Siris pour mon lazistis, mon pou tir tou lobstak lo son semen. I pou rekonstri mon lavil e rann laliberte mon pep ki annegzil, san pey okenn pri, san okenn rekonpans.

Ezai 48:17

La sa ki SENYER ou Sover, Bondye Sen Izrael i deklare: Mwan SENYER, ou Bondye. Mon ansenny ou pour ou prop dibyen; mon kondwir ou lo semen ki ou devre swiv.

Zeremi 10:23

SENYER! Mon konnen ki zonm pa met son desten. Napa en dimoun ki kapab kontrol son lavi.

Zeremi 42:3

Demann SENYER ou Bondye kote nou devre ale e sa ki nou devre fer.”

Nonm 9:20

Si nyaz ti reste zis pour detrwa zour lo Latant, zot ti kanpe lo lord SENYER; zot ti deplase lo lord SENYER.

1 Korentyen 10:31

Alor, kwa ki ou manze, kwa ki ou bwar, nenport kwa ki ou fer, fer tou pour laglwar Bondye.

2 Korentyen 8:16

Nou remersye Bondye ki'n met dan leker Tit sa menm motivasyon anver zot, parey mwan.

Filipyen 4:6

Pa bezwen enkyet pour nanryen, me dan tou sirkonstans, dan lapriyer ek siplikasyon, avek en leker rekonesan, demann Bondye tou sa ki zot bezwen.

Kolosyen 3:17

Dan tou sa ki zot fer e dir, fer tou dan non Senyer Zezi. Par li, remersye Bondye nou Papa.

Kolosyen 3:23

Dan tou sa ki zot fer, fer li avek tou zot leker, konmsi zot pe travay pour Senyer, pa pour zonm.

Let Zak 1:5

Si parmi zot i annan enn ki mank lasazes, ki i demande e Bondye ava donn li. Annefe, Bondye i donn tou dimoun zenerezman san fer okenn repros.

1 Samyel 30:8

David ti konsilte SENYER e demande, “Si mon pourswiv sa troup, eski mon pou zwenn zot?” SENYER ti reponn li, “Pourswiv zot; ou ava zwenn zot e delivre bann prizonnyen.”