Proverb 3:34 - Labib An Kreol Seselwa

³⁴ SENYER pa pran ka dimoun ensolan; me i bon anver dimoun senp.

Proverb 3:34 ပူးပေါင်းရင်းမြစ်များ

Psonm 138:6

Menm si SENYER i lao dan lesyel, i pran ka avek bann ki pli mizerab e i rekonnet bann arogan depi byen lwen.

Psonm 18:26

Ou pir avek sa enn ki pir; sever avek sa enn ki rize.

Proverb 1:26

aprezan, mon pou riye ler bann katastrof ava tap zot. Mon pou riy zot, ler lafreyer ava pran zot.

Proverb 14:9

Bann fou pa krwar i neseser repar en fot; me bann dimoun drwat i rod faver Bondye.

Proverb 16:19

Vomye viv trankilman parmi bann pov, ki ganny en par dan byen malaki avek bann orgeye.

Proverb 19:29

Zizman in pare pour bann ki ensolan; Koudbaton pour ledo sa enn ki bet.

Proverb 21:24

Sa enn ki fyer e vantar, i ensolan; i azir avek bokou larogans.

Proverb 9:12

Si ou saz, zis ou ki pou profite; si ou ensolan, zis ou ki pou port konsekans.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Let Zak 4:6

Me lagras ki Bondye i donnen i siperyer. Annefe, Lekritir i deklare: Bondye i reziste bann ki orgeye, me i donn son lagras bann ki annan limilite.

1 Pyer 5:5

Demenm, zot bann zennzan! Obei bann ki pli aze ki zot. Montre bokou limilite dan zot relasyon avek kanmarad. Annefe, Lekritir i deklare: Bondye i kont bann orgeye, me i bon anver bann ki annan limilite.