Proverb 3:3 - Labib An Kreol Seselwa

³ Reste touzour bon e fidel. Atas sa bann kalite otour ou likou; ekri zot lo lardwaz ou leker.

Proverb 3:3 ပူးပေါင်းရင်းမြစ်များ

2 Samyel 15:20

Ou'n ariv kot nou yer, e ozordi mon pe antrenn ou avek nou koman en eran, kan mwan menm mon pa konnen kote nou pe ale. Retournen e anmenn ou bann frer avek ou. Mon demande ki SENYER i montre son labonte ek fidelite anver ou.”

Psonm 119:11

Mon gard ou parol dan mon leker, pour mwan pa fer pese kont ou.

Psonm 25:10

Dan tou son santye, SENYER i montre fidelite ek lwayote anver tou bann ki gard son lalyans ek son bann regleman.

Psonm 85:10

Labonte ek fidelite ava zwenn ansanm; lazistis ek lape ava anbras kanmarad.

Egzod 13:9

I ava vin en siny lo ou lanmen e en mark lo ou fron, pour ki lalwa SENYER i dan ou labous. Annefe, par son pwisans, SENYER ti fer ou sorti Lezip.

Egzod 34:6

SENYER ti pas devan li e proklanmen: Mwan menm SENYER, SENYER Bondye ranpli avek pitye ek konpasyon, pasyan, gran dan son fidelite ek lwayote;

Proverb 1:9

Annefe, zot en kouronn lo ou latet e bann kolye otour ou likou.

Proverb 14:22

Sa enn ki rod fer sa ki mal pe mars lo move semen. Sa enn ki rod fer sa ki byen i rankontre labonte ek fidelite.

Proverb 16:6

Lalwayote ek lanmour i pardonn en fot; Sa enn ki annan respe pour SENYER i evit fer sa ki mal.

Proverb 20:28

Labonte ek lwayote i protez lerwa; son tronn i ganny soutenir par fidelite.

Proverb 6:21

Atas zot touzour lo ou leker, anmar zot otour ou likou.

Proverb 7:3

Atas zot lo ou bann ledwa. Ekri zot lo ou leker.

Zeremi 17:1

Pese Zida in ganny ekri avek lapwent an fer, ek en dyanman, lo tablet zot leker, lo bann korn dan kwen zot lotel.

Oze 4:1

Izrael, ekoute! Ekout parol SENYER! SENYER i annan en lakizasyon kont bann zabitan sa pei, akoz napa ni lwayote, ni fidelite, ni konnesans Bondye dan sa pei.

Malasi 2:6

I ti vreman transmet mon mesaz e i ti ansenny laverite. I ti mars avek mwan dan lape ek lwayote konplet; i ti ede pour fer bokou dimoun retourn lo bon semen.

Matye 23:23

Maler lo zot profeser Lalwa ek Farizyen! Bann ipokrit! Zot donn Bondye en dizyenm parti serten plant tel ki lanmant, legim ek zepis, me zot negliz sa ki pli enportan dan Lalwa, tel ki lazistis, konpasyon ek fidelite. I neseser ki zot fer tousala, me san negliz leres.

2 Korentyen 3:3

An realite, zot en let ki'n ganny ekri par Zezi-Kri e ki'n ganny transmet par nou. I pa'n ganny ekri avek lank, me avek Lespri Bondye ki vivan. Sa let pa'n ganny grave lo bann tablet an pyer, me dan leker imen.

Efezyen 5:9

akoz lalimyer i prodwi bokou kalite: Labonte, ladrwatir, ek laverite.

Deterononm 6:8

Atas zot avek ou pwannyen koman en siny. Fikse zot koman en mark lo ou fron.

Ebre 10:16

Sa i lalyans ki mon pou fer avek zot apre sa bann zour, Senyer i deklare: Mon pou met mon bann lalwa dan zot leker, e mon pou ekri zot dan zot lespri.