Proverb 3:21 - Labib An Kreol Seselwa

²¹ Mon garson! Gard ou lizye fikse lo lasazes ek refleksyon.

Proverb 3:21 ပူးပေါင်းရင်းမြစ်များ

Proverb 1:4

Sa bann proverb ava rann pridan sa enn ki napa leksperyans, pour donn lazenes konnesans e ed zot pour reflesir.

Proverb 18:1

Sa enn ki viv li tousel i rod son prop lentere; i met li ankoler kont sa enn ki oule ed li.

Proverb 19:8

Sa enn ki'n ganny lasazes i trouv boner. Sa enn ki annan disernman i viv ere.

Proverb 2:7

I gard an rezerv bann resours pour dimoun ki drwat; i en boukliye pour bann ki viv onnetman.

Proverb 4:21

Pa les zot sorti devan ou lizye; gard zot dan fon ou leker.

Proverb 4:6

Pa abandonn lasazes e lasazes ava protez ou; kontan li e i ava vey lo ou.

Proverb 5:2

Alor, ou ava byen reflesir e ou labous ava konserv konnesans.

Proverb 8:14

Mon donn bon konsey ek bon rezonnman. Mon annan bon rezonnman, mon annan lafors.

Levanzil dapre Zan 8:31

Alor, Zezi ti dir avek bann Zwif ki ti krwar dan li, “Si zot obei byen mon bann parol, zot ava vin vreman mon disip.

Deterononm 4:9

Selman, fer atansyon! Vey byen lo ou menm tou le zour ou lavi, pour ki ou pa oubliy sa ki ou lizye in war; gard zot dan ou leker. Ansenny tousala ou bann zanfan ek ou bann pti zanfan.

Zozye 1:8

Sa liv lalwa pa pou kit ou labous. Ou ava medit lo li lizour e lannwit, pour ki ou ava azir dapre tou sa ki'n ekri. Konmsa, ou ava prospere e ou ava reisi.

1 Zan 2:24

Kanta zot, gard byen dan zot leker sa ki zot in tande depi o konmansman. Si sa ki zot in tande depi o konmansman, i reste dan zot, zot osi, zot ava reste ini avek Garson e avek son Papa.

1 Zan 2:27

Kanta zot, Lespri ki zot in resevwar avek Kris, i reste dan zot e zot pa bezwen personn pour ansenny zot. Me son Lespri i ansenny zot tou keksoz. I pe ansenny zot tou sa ki vre, pa sa ki mansonz. Alor, parey Lespri in ansenny zot: Reste ini avek Kris.