Proverb 3:10 - Labib An Kreol Seselwa

¹⁰ Alor, ou bann grennyen ava ranpli avek prodwi ou rekolt e ou bann barik pou deborde avek diven.

Proverb 3:10 ပူးပေါင်းရင်းမြစ်များ

2 Kronik 31:10

Alor Gran-Pret Azarya, ki sorti dan fanmir Sadok ti reponn, “Depi ki lepep in konmans anmenn zot kontribisyon dan tanp SENYER, nou'n ganny ase manze e in menm reste, akoz SENYER in beni son pep; la sa kantite ki'n reste.”

2 Kronik 31:21

Tou sa ki i ti fer pour servis tanp Bondye, dapre lalwa ek komannman, i ti fer avek tou son leker pour Bondye e i ti prospere.

Psonm 144:13

Nou bann grennyen i plen avek tou kalite prodwi; nou bann troupo mouton i ogmant en kantite, par dizenn milye dan nou bann laplenn.

Proverb 19:17

Sa enn ki donn en pov, i pret SENYER; i ava ganny rekonpanse pour tou.

Proverb 22:9

Sa enn ki bon pou ganny beni, akoz i partaz son manze avek bann pov.

Zoel 2:24

Landrwa kot zot bat dible pou ranpli avek legren. Barik diven ek delwil pou deborde.

Agze 2:19

eski legren ki'n ganny rekolte in ariv dan langar rezerv? Annefe, bann plantasyon rezen, fig, grenad ek zoliv pa pe raport nanryen. Me mwan, apartir ozordi, mon pou kouver zot avek mon benediksyon.

Matye 10:42

En dimoun ki donn menm en ver delo fre sa enn ki pli pti parmi mon bann disip, akoz i mon disip, mon dir zot, sa i laverite: I pa pou perdi son rekonpans.

Deterononm 14:29

Alor, bann levit ki napa okenn par dan zot patrimwann, bann etranze ki reste kot ou, bann orfelen ek bann vev ki viv dan ou bann lavil, ava kapab vin manze ziska ki zot rasazye. Konmsa, SENYER, ou Bondye ava beni ou dan tou travay ki ou ava antreprann.

Deterononm 28:8

Benediksyon SENYER, ou Bondye ava avek ou bann provizyon ki ou'n anmase, e avek tou sa ki ou ava antreprann. I ava beni ou dan sa pei ki SENYER, ou Bondye pe donn ou.