Proverb 28:4 - Labib An Kreol Seselwa

⁴ Sa enn ki abandonn lalwa, i fer loner bann malfeter; Me sa enn ki obzerv lalwa i konbat kont bann malfeter.

Proverb 28:4 ပူးပေါင်းရင်းမြစ်များ

1 Rwa 18:18

Eli ti reponn, “Pa mwan ki anmenn maler lo Izrael, me ou, avek tou lafanmir ou papa, akoz zot in abandonn bann komannman SENYER pour al swiv bann Baal.

1 Rwa 18:21

Eli ti apros lepep. I ti dir zot, “Ziska kan zot pou koup de kote. Si SENYER i Bondye, swiv li, me si Baal ki Bondye, swiv li.” Personn pa ti reponn.

Nehemi 13:15

Dan sa lepok, mon ti war bann zonm dan Zida pe kraz rezen zour saba, anmenn bann pake legren ki zot ti sarz lo zot bann bourik, ensi ki diven, rezen, fig e toudsort fardo ki zot ti anmenn Zerizalenm zour saba. Mon ti donn zot bann avertisman zour zot ti pe vann zot danre.

Nehemi 13:28

Enn bann garson Yoyada, garson Gran-Pret Eliasib, ti zann Sanbalat en Horonit. Mon ti sas li lwen avek mwan.

Psonm 10:3

I vant son lekor akoz son bann move dezir. Akoz in reisi, i gognard SENYER e mepriz li.

Psonm 49:18

Ler zot ti vivan, zot ti vant zot lekor e dimoun ti felisit zot pour zot byennet.

Zeremi 5:30

En keksoz terib e revoltan in arive dan sa pei:

Matye 14:4

Sa ti arive, akoz Zanbatis ti'n dir Herod: I pa permet pour ou pran fanm ou frer.

Matye 3:15

Me Zezi ti reponn li, “Aksepte pour konmela. Annefe, konmsa ki nou devre fer tou sa ki Bondye i demande.” Alor, Zan ti aksepte.

Matye 3:7

Zan ti war ki en kantite Farizyen ek Sadiseen ti vin kot li pour zot ganny batize. Alor, i ti dir zot, “Ras viper ki zot ete! Lekel ki'n aprann zot esey sap zizman Bondye ki pros?

Akt de Zapot 12:22

Lepep ti kriye, “Sa pa en zonm ki pe koze, me en bondye!”

Akt de Zapot 15:2

En gran diskisyon ti leve lo sa size, ant sa bann zonm, avek Pol ek Barnabas. Alor, zot ti deside ki Pol ek Barnabas, akonpannyen par detrwa lezot frer, zot mont Zerizalenm pour diskit sa problenm avek bann zapot ek bann ansyen.

Akt de Zapot 19:9

Me ti annan serten ki ti antete e refize krwar. Devan lasanble, zot ti koz avek mepri lo size Semen Senyer. Alor Pol, ti kit zot. I ti anmenn bann disip avek li dan lekol Tiranis, kot i ti diskite tou le zour.

Romen 1:32

Zot konn byen zizman Bondye: Bann ki viv en tel lavi, zot merit lanmor. Pourtan, zot kontinyen komet sa bann aksyon. Anplis ki sa, zot aprouv bann ki komet sa bann aksyon.

Efezyen 5:11

Pa asosye zot avek bann aksyon initil, ki ganny fer zis dan fernwanr. Plito, ekspoz zot dan lalimyer.

1 Tesalonisyen 2:2

Zot osi konnen ki, avan nou ti vin kot zot, nou ti ganny ensilte e maltrete dan lavil Filipi. Malgre en gran lopozisyon, Bondye ti donn nou kouraz pour anons zot Bonn Nouvel.

1 Zan 4:5

Sa bann dimoun, zot koz dan fason lemonn e lemonn i ekout zot akoz zot zanfan lemonn.

Let Zid 1:3

Mon bann zanmi! Mon ti vreman anvi ekri zot konsernan lafwa ki nou partaze. Me mon ti santi mwan dan lobligasyon pour ekri deswit sa let pour ankouraz zot konbat pour lafwa ki ti ganny transmet en fwa pour tou, avek bann ki Bondye in swazir.