Proverb 27:8 - Labib An Kreol Seselwa

⁸ En eran lwen avek son pei, i parey en zwazo ki pe anvole lwen avek son nik.

Proverb 27:8 ပူးပေါင်းရင်းမြစ်များ

Zenez 21:14

Alor, Abrahanm ti leve granmaten, pran dipen ek en sak lapo, ranpli li avek delo e donn Agar. I ti met son garson lo son ledo e fer li ale. Agar ti marse egare atraver dezer ver Berseba.

Zenez 4:16

Alor, Kaen ti sorti dan prezans SENYER. I ti al reste Nod, dan kote Les avek Edenn.

1 Rwa 11:22

Faraon ti dir li, “Ki i mank ou isi kot mwan, pour ou ganny lanvi retourn dan ou pei?” I ti reponn, “Nanryen, me les mwan ale kan menm.”

1 Rwa 19:9

Laba Horeb, i ti antre dan en kavern pour pas lannwit. SENYER ti adres li laparol. I ti dir li, “Ki ou pe fer isi, Eli?”

Proverb 21:16

Sa enn ki abandonn semen konnesans, pou fini dan lasanble dimoun mor.

Proverb 26:2

Parey zwazo ki pase, parey zirondel ki anvole, malediksyon san rezon pa pran lo personn.

Proverb 27:7

En zonm ki pa lafen i refiz menm dimyel; pour sa enn ki anfanmen, sa ki anmer i dou.

Ezai 16:2

Bann fiy Moab pe espere lo bor larivyer Arnon kot i sek. Zot parey bann zwazo ki pe anvole partou akoz zot in ganny pouse dan zot nik.

Zonas 1:3

Me Zonas ti sove pour li al Tarsis, lwen devan prezans SENYER. I ti desann Zafa e pran en bato ki ti pe al Tarsis. I ti pey son pasaz e anbark lo bato avek lekipaz pour al Tarsis, lwen avek prezans SENYER.

1 Korentyen 7:20

Sakenn i devre reste dan kondisyon ki i ti ete kan Bondye ti apel li.

Let Zid 1:13

Zot fann zot bann aksyon degoutan parey bann gro laroul lanmer ki pe kras zot lekim. Zot parey bann zetwal filan, e Bondye in rezerv en plas pour zot dan fernwanr, dan profonder labim.

1 Samyel 22:5

Profet Gad ti dir David, “Pa reste la; al dan pei Zida.” Alor, David ti sorti, e al dan lafore Heret.