Proverb 27:22 - Labib An Kreol Seselwa

²² Menm si ou kraz en fou dan en pilon, avek bann lagrenn, son lafoli pa pou separe avek li.

Proverb 27:22 ပူးပေါင်းရင်းမြစ်များ

1 Rwa 13:33

Malgre tousala, Zeroboanm pa ti abandonn son move semen. I ti swazir ankor bann pret pour bann landrwa sakre parmi lepep, nenport ki ti anvi vin pret dan bann landrwa sakre.

Egzod 12:30

Faraon avek tou bann serviter ek tou bann Ezipsyen ti leve dan lannwit. Ti annan en gran leokri dan Lezip, akoz ti annan lanmor dan tou lakaz.

Egzod 14:5

Kan lerwa Lezip ti ganny dir ki pep Izrael ti'n ale, santiman Faraon ek son serviter ti sanze anver sa pep. Zot ti dir: Ki nou'n fer la? Nou'n les pep Izrael ale kan zot ti pe servi nou!

Egzod 15:9

Lennmi ti dir: Mon pou pourswiv zot, mon pou ganny zot. Mon pou ganny en par dan piyaz lager e mon pou rasazye. Mon pou tir mon lepe e mon pour detri zot.

Proverb 14:24

Larises i rekonpans sa enn ki saz. Sa enn ki fou i reste dan son lafoli.

Proverb 23:35

Ou pou dir: Zot in tap mwan, me mon pa'n ganny blese. Zot in bat mwan, me mon pa'n santi. Kan mon pou leve, mon pou demann en lot ver.

Proverb 26:11

En fou ki repet son betiz, i parey en lisyen ki retourn kot son vomi.

Ezai 1:5

Akoz ou rod ganny bate ankor? Akoz ou kontinyen revolte? Ou latet i malad e ou leker i soufer.

Zeremi 13:23

Eski en dimoun nwanr i kapab sanz kouler son lapo? Eski en leopar i kapab tir bann tas lo li? Ou, ki abitye fer lemal, ou pou kapab fer sa ki byen?

Zeremi 5:3

I vre, SENYER: Laverite ki enteres ou! Ou'n pini zot, me pa fer zot nanryen. Ou'n preski detri zot; me zot in refize aprann. Zot in fer latet; zot refize retourn kot ou.

1 Samyel 19:21

Kan Sail ti antann sa, i ti anvoy lezot zonm; zot osi, zot ti profetize. Sail ti anvoy en trwazyenm group zonm; zot osi, zot ti profetize.