Proverb 27:1 - Labib An Kreol Seselwa

¹ Pa fer vantar lo koman demen pour ete; akoz ou pa konnen sa ki kapab arive ozordi.

Proverb 27:1 ပူးပေါင်းရင်းမြစ်များ

1 Rwa 20:11

Me lerwa ti reponn li, “Dir li: Sa enn ki pe prepare pour li al lager pa devre fer vantar konmsi in fini ganny laviktwar.”

Ester 5:12

I ti azoute, “Menm larenn Ester pa'n envit personn apard mwan, dan festen ki i'n prepare pour lerwa. I'n envit mwan demen ankor, avek lerwa.

Psonm 95:7

Akoz i nou Bondye, nou, nou son pep ki i pran swen avek, son bann mouton ki son lanmen i kondwir. Ozordi, si zot ekout son lavwa,

Eklezyas 8:7

Annefe, i pa konn lavenir; lekel ki kapab dir kan en keksoz pou arive?

Ezai 56:12

Zot dir: Vini! Annou al rod diven. Annou soul nou avek labwason for. Demen pou parey ozordi; bwar pa pou manke.

2 Korentyen 6:2

Annefe, Bondye i deklare: Dan letan favorab, mon ti ekout ou. Zour delivrans, mon ti sekour ou. Annefe, ozordi i sa letan favorab, ozordi i sa zour delivrans.

1 Samyel 28:19

SENYER pou abandonn ou ek pep Izrael dan lanmen bann Filisten, e demen, ou, avek ou bann garson, zot pou avek mwan. SENYER pou osi livre Izrael dan lanmen bann Filisten.”