Proverb 26:3 - Labib An Kreol Seselwa

³ En fwet pour en seval, en labrid pour en bourik, en roten pour ledo en fou.

Proverb 26:3 ပူးပေါင်းရင်းမြစ်များ

Psonm 32:9

Pa fer parey en seval oubyen en bourik bet ki bezwen en mor ek en labrid pour kontrol zot lelan.

Proverb 10:13

Lasazes i lo lalev sa enn ki annan disernman; me baton i pour ledo sa enn ki mank larezon.

Proverb 17:10

En repros i annan plis lefe lo en zonm entelizan, ki san koudbaton lo en fou.

Proverb 19:25

Si ou tap sa enn ki ensolan, sa enn ki bet ava aprann koman vin pridan. Koriz sa enn ki annan disernman, i ava ganny konnesans.

Proverb 19:29

Zizman in pare pour bann ki ensolan; Koudbaton pour ledo sa enn ki bet.

Proverb 27:22

Menm si ou kraz en fou dan en pilon, avek bann lagrenn, son lafoli pa pou separe avek li.

1 Korentyen 4:21

Ki zot prefere? Ki mon vin kot zot avek en baton, oubyen avek en leker ranpli avek lanmour ek ladouser?

2 Korentyen 10:6

Kan zot lobeisans ava'n konplet, nou pare pour pini tou dezobeisans.

2 Korentyen 13:2

Kan mon ti kot zot pour dezyenm fwa, mon'n deza dir zot; me la ki mon absan, mon repete avek tou bann ki'n komet pese dan lepase, e avek tou lezot: Si mon vini, mon pa pou eparny personn.