Proverb 24:16 - Labib An Kreol Seselwa

¹⁶ akoz sa enn ki zis i kapab tonm set fwa, me i pou touzour leve. Me dan maler, en malfeter pou tonm pour touzour.

Proverb 24:16 ပူးပေါင်းရင်းမြစ်များ

Zenez 19:35

Alor, zot ti fer zot papa bwar diven sa swar osi. Pli zenn fiy ti al dormi avek son papa. Lot ti napa konnesans ni kan son fiy ti al dormi, ni kan i ti leve.

Ester 7:10

Alor, zot ti pann Haman lo lesafo ki i ti'n prepare pour pann Mardose. Apre, lakoler lerwa ti tonbe.

Liv Zob 5:19

I pou delivre ou sis fwa dan tourman, e pandan set fwa, i pou eparny ou dan maler.

Psonm 34:19

En zonm ki zis i tonm dan bokou maler. Me SENYER i touzour delivre li.

Psonm 34:21

Maler i anmenn lanmor bann malfeter. Lennmi bann ki fidel anver SENYER pou ganny pini.

Psonm 37:24

Si i perdi lekilib i pa tonbe, akoz SENYER i atrap son lanmen.

Psonm 52:5

Alor, Bondye pou detri ou pour touzour; i pou sezi ou e trenn ou deor; i pou derasin ou lo later parmi bann vivan.

Psonm 7:16

Maler ki zot ti'n prepare i retonm lo zot. Zot bann kou vyolan i retonm lo zot prop latet.

Psonm 79:12

Bann pep vwazen in ensilte ou, SENYER. Fer zot pey set fwa bann lensilt ki zot in fer ou.

Proverb 13:17

En move mesaze i anmenn maler; en mesaze fidel i anmenn gerizon.

Proverb 13:21

Maler i pourswiv sa enn ki fer pese; me boner i rekonpans sa enn ki zis.

Proverb 14:32

Malfeter i ganny kraze par son prop mesanste; me sa enn ki zis i gard konfyans menm devan lanmor.

Proverb 24:22

Annefe, dezas i kapab vit tonm lo li, e lekel ki konnen dega ki i kapab fer!

Proverb 6:15

Alor, maler pou tonm lo li en kou an gran, napa remed pour domaz ki i'n sibir.

Zeremi 18:17

Parey divan ki sorti dan Les, e ki balye tou lo son pasaz, mon pou dispers zot devan son lennmi. Zour maler pou arive, mon pou tourn mon ledo avek zot; mon pa pou tourn ver zot.

Zeremi 8:4

Al dir sa avek lepep: La sa ki SENYER ti deklare: Kan en dimoun i tonbe, pa i leve? Kan i pran en move semen, pa i retournen pour li repran bon semen?

Ezekyel 7:5

La sa ki Senyer BONDYE i deklare: En maler in arive! Gro maler ki zot pa'n zanmen war pe vini.

Amos 5:2

Izrael, sa zenn fiy vyerz, in tonbe e personn pa pou lev li! I'n tale ater dan son pei; napa personn pour lev li.

Amos 8:14

Serten pou fer serman lo non bann fo bondye Samari. Zot pou dir: Par lavi bondye Dann! Par semen sakre ki al Berseba! Zot pou tonbe e pa pou zanmen releve.

Nonm 32:23

Me si zot pa gard zot promes, mon averti zot ki zot pou komet en pese devan SENYER. Konnen ki i pou pini zot pour sa pese.

Akt de Zapot 12:23

Me dan sa menm moman, en lanz Senyer ti frap Herod, akoz i pa ti rann Bondye loner ki i merite. Lever ti devor li e i ti mor.

1 Tesalonisyen 5:3

Kan dimoun ava pe dir: Tou i anpe e an sekirite, alor en sel kou, destriksyon pou tonm lo zot, parey douler lakousman ki sezi en fanm ansent, e personn pa pou sape.

1 Samyel 26:10

David ti dir, “Par SENYER ki vivan! SENYER menm ki pou pini li; swa i ava mor kan son letan i arive, ouswa i ava mor dan lager.

1 Samyel 31:4

Sail ti dir son porter zarm, “Tir ou lepe, e touy mwan, pour ki bann Filisten non sirkonsi pa touy mwan, oubyen boufonn mwan.” Me son porter zarm pa ti aksepte; i ti per en kantite. Alor, Sail ti pran son prop lepe, e zet li lo la.