Proverb 24:13 - Labib An Kreol Seselwa

¹³ Mon garson! Manz dimyel; i bon; dimyel ki koul depi gof i dou dan labous.

Proverb 24:13 ပူးပေါင်းရင်းမြစ်များ

Ezai 7:15

I pou nouri li avek dile kaye ek dimyel, ziska ki i ava konn rezet sa ki mal e swazir sa ki byen.

Kantik Salomon 5:1

Mon pti ser! Mon fiyanse! Mon'n vin dan mon zarden! Mon vin rekolte mon lamir ek mon zepis. Mon manz mon gof dimyel. Mon bwar mon diven ek mon dile. Zanmi! Manze! Bwar! Soul ou avek lanmour.

Proverb 25:16

Si ou dekouver dimyel, manz zis sa ki ou bezwen. Si ou pran tro, ou pou bezwen vomi.

Kantik Salomon 4:11

Mon fiyanse! Ou lalev i distil dimyel, anba ou lalang i annan dimyel ek dile; ou lenz i santi loder Liban.

Psonm 119:103

Ou bann parol i dou dan mon labous. I pli dou ki dimyel.

Psonm 19:10

Zot pli presye ki lor, ki en kantite lor pir. Zot pli dou ki dimyel, ankor pli dou ki dimyel ki koule dan gof.

Matye 3:4

Lenz Zan ti fer avek pwal samo e otour son leren i ti met en sang an kwir. I ti manz sotrel ek dimyel sovaz.

Proverb 25:27

I pa bon manz bokou dimyel, ni rod tro bokou loner.

Proverb 16:24

Bann zoli parol i parey en gof dimyel; i dou dan pale e bon pour lekor.

Proverb 27:7

En zonm ki pa lafen i refiz menm dimyel; pour sa enn ki anfanmen, sa ki anmer i dou.

Ziz 14:9

I ti pran en pe dimyel dan son lanmen e manze pandan ki i ti pe marse. Ler i ti ariv kot son papa ek son manman, i ti donn zot en pe sa dimyel ki zot ti manze. Me i pa ti dir zot ki i ti'n ranmas sa dimyel dan karkas sa lyon.

1 Samyel 14:27

Me Zonatan pa ti'n tande ki son papa ti fer latroup pret serman. I ti tranp bout son baton dan en gof dimyel e met dan son labous; e son lizye ti eklersi