Proverb 24:12 - Labib An Kreol Seselwa

¹² Si ou dir: Nou pa ti konnen; eski sa enn ki egzamin leker pa pou konpran? Sa enn ki vey lo ou pa pou konnen? Pa i pou rekonpans sakenn dapre son aksyon?

Proverb 24:12 ပူးပေါင်းရင်းမြစ်များ

Liv Zob 34:11

I rekonpans zonm dapre son bann aksyon. I tret zot dapre zot mannyer viv.

Psonm 121:3

I pa pou les ou fer en fo pa; ou protekter pa asoupi.

Psonm 121:8

SENYER pou vey lo ou depar e lo ou retour, apartir ozordi e pour touzour.

Psonm 17:3

Ou konn fon mon leker. Dan lannwit ou'n vey lo mwan. Menm si ou'n teste mwan, ou pa'n war nanryen mal. Dan mon labous pa'n sorti nanryen ki move.

Psonm 44:21

Bondye ki konn sekre leker imen, pa ti ava'n remarke?

Psonm 62:12

SENYER! Ou fidelite i pour touzour. Ou rekonpans sakenn dapre son bann aksyon.

Psonm 66:9

I'n prezerv nou lavi. I pa'n les nou glise.

Psonm 7:9

Bondye ki zis! Ou ki egzamin sa ki pase dan mon lespri e dan mon leker, fer fini mesanste bann malfeter. Ankouraz sa bann ki fer dibyen.

Psonm 94:9

Eski sa enn ki'n fer zorey pa antann? Eski sa enn ki'n fer lizye pa war kler?

Proverb 12:14

Parey travay fer avek lanmen i donn en saler, parol sorti dan labous, i anmenn sikse.

Proverb 16:2

Zonm i krwar touzour ki i byen azir; me SENYER ki egzamin fon leker.

Proverb 21:2

Dimoun i krwar ki tou sa ki i fer i byen; me SENYER ki sond leker.

Proverb 5:21

Annefe, SENYER i war tou sa ki zonm i fer; i egzamin tou zot aksyon.

Proverb 5:22

Malfeter i ganny pri dan son prop latrap. Lasenn son pese i anpay li.

Eklezyas 5:8

Pa etonnen si ou war bann pov pe ganny kraze par labi e kan dimoun dan pei i perdi zot drwa e pa ganny lazistis. Annefe, par lao en fonksyonner enportan, i annan en sef pli enportan ki protez li; par lao tou le de, i annan en lot sef pli enportan ankor.

Zeremi 17:10

Mwan, SENYER, mon teste sa ki zonm i mazinen; mon egzamin son bann santiman. Mon tret sakenn dapre son mannyer viv, dapre son bann aksyon.

Zeremi 32:19

Ou bann proze i gran; ou realiz zot avek pwisans. Ou port bokou latansyon lo tou sa ki dimoun i fer; ou tret sakenn zot dapre son kondwit e dapre fri son bann aksyon.

Lamantasyon 3:36

SENYER pa i war, kan dan en zafer ankour, lazistis i ganny fose.

Danyel 5:23

Ou'n met ou kont SENYER lesyel. Ou'n fer anmenn bann istansil son tanp devan ou. Ou avek ou bann zofisye rwayal, ou bann fanm ek ou bann menazer, zot in bwar diven ladan. Ou'n loue bann bondye annarzan e annor, an bronz e an fer, an bwa e an ros, ki pa ni war kler, ni tande e ki napa konnesans. Ou pa'n rann glwar sa Bondye ki tenir ou lavi e ki kontrol tou ou bann aksyon dan son lanmen.

Matye 16:27

Annefe, Fis-de-Lonm pou vini dan mazeste son Papa avek son bann lanz. I pou rekonpans sakenn dapre son bann aksyon.

Akt de Zapot 17:28

akoz, atraver li, nou ganny lavi, nou kapab bouze e nou egziste. Sanmenm sa ki serten parmi zot poet in osi dir: Nou osi nou son bann zanfan.

Romen 2:16

Dapre Bonn Nouvel ki mon prese, sanmenm ki pou arive zour Bondye, par Zezi-Kri, ava ziz tou bann panse sekre ki dan leker dimoun.

Romen 2:6

i pou pey sakenn dapre sa ki i'n fer:

1 Korentyen 4:5

Alor, pa ziz personn avan son letan fikse. Espere ki zour Senyer i vini: Li menm ki pou met okler sa ki'n ganny kasyet dan fernwanr, e met okler bann lentansyon sekre ki dan leker imen. Alor, Bondye pou felisit sakenn, dapre sa ki i merite.

2 Korentyen 5:10

Annefe, nou tou nou devre prezant nou devan tribinal Kris, e sakenn ava resevwar sa ki i merite, pour sa ki i'n fer avek son lekor, swa an byen, swa an mal.

Revelasyon 1:18

sa enn ki vivan. Mon ti'n mor, me la mon vivan pour touzour. Mon posed lakle lanmor ek lakle lemonn lanmor.

Revelasyon 2:18

Ekri Lanz Legliz dan Tyatir: La sa ki Garson Bondye i deklare, sa enn ki son lizye i parey laflanm dife, e son lipye i parey bronz poli:

Revelasyon 2:23

Mon pou osi met anmor tou son bann zanfan. Alor, tou bann Legliz ava konnen ki mon konn tou mazinasyon ek dezir zonm. Mon pou tret sakenn zot dapre sa ki zot i'n fer.

Revelasyon 22:12

Zezi ti azoute: Mon pe vini byento. Mon pou anmenn avek mwan mon rekonpans pour mwan pey sakenn dapre son bann aksyon.

1 Samyel 16:7

Me SENYER ti dir Samyel, “Pa get son laparans ni son grander, akoz mon'n rezet li. SENYER pa war parey zonm i war. Zonm i get laparans eksteryer, me SENYER i get dan leker.”

1 Samyel 2:3

Aret koz parol arogan; pa les parol ensolan sorti dan ou labous, akoz SENYER i en Bondye ki konn tou. I ziz tou aksyon ki dimoun i fer.

1 Samyel 2:6

SENYER i donn lanmor e i fer reviv; I fer desann dan latonm e fer remonte.

1 Samyel 25:29

Si en dimoun i pourswiv ou e rod touy ou, SENYER ou Bondye, ava gard ou lavi presyezman. Me i ava zet lavi ou bann lennmi lwen, konmsi en ros dan en fles.