Proverb 24:1 - Labib An Kreol Seselwa

¹ Pa anvye bann malfeter, ni anvi frekant zot,

Proverb 24:1 ပူးပေါင်းရင်းမြစ်များ

Psonm 1:1

Byennere sa enn ki pa ekout konsey bann malfeter, ki pa swiv legzanp dimoun ki fer sa ki mal, ki pa asiz parmi bann dimoun moker!

Psonm 26:9

Pa balye mwan ansanm avek bann peser; pa fer mwan mor parey bann kriminel.

Psonm 37:1

Pa bezwen pran lakoler kont bann malfeter; pa bezwen zalou bann kriminel.

Psonm 37:7

Gard silans devan SENYER, esper li avek pasyans. Pa pran lakoler kont sa bann ki reisi dan lavi, kont sa ki fer bann move kou.

Psonm 73:3

Ler mon ti war koman bann malfeter pe prospere, mon ti zalou sa bann arogan.

Proverb 13:20

Si ou frekant en saz, ou menm, ou ava vin saz; Si ou frekant dimoun ki bet, ou pou ganny problenm.

Proverb 23:17

Pa zalou bann peser dan ou leker; me touzour annan respe anver SENYER,

Proverb 24:19

Pa met ou ankoler kont bann malfeter; pa zalou sa enn ki fer sa ki mal,

Proverb 3:31

Pa anvye en dimoun vyolan, ni swiv okenn son bann mannyer fer,

Proverb 4:14

Pa antre dan semen bann ki pratik lemal, pa pran semen bann malfeter.

Proverb 4:15

Evite frekant li. Les li e kontiny ou semen.