Proverb 23:7 - Labib An Kreol Seselwa

⁷ Annefe, i pa mazin sa ki i dir. I dir ou: Manze, bwar! Me son leker pa senser.

Proverb 23:7 ပူးပေါင်းရင်းမြစ်များ

Psonm 12:2

Dimoun i koz manti avek kanmarad. Zot flat avek zot labous, me zot leker pa senser.

Psonm 55:21

Son parol i pli dou ki dimyel; me i annan lager dan son leker. Son bann parol ti glise, parey delwil; me an realite, zot ti koman en pwannyar.

Proverb 19:22

Sa ki nou anvi war dan en zonm, se fidelite. Vomye ou pov, plito ki manter.

Proverb 26:23

Bann parol amikal sorti dan en move leker, i parey larzan brit plake lo en po anter.

Proverb 26:24

Sa enn ki annan laenn i kasyet li dan son mannyer koze; dan fon son leker, i pe prepar en move kou.

Proverb 26:25

Pa krwar li ler i koz avek bonte, akoz i annan set move panse dan son leker.

Danyel 11:27

Sa de lerwa pou asiz devan menm latab. Me akoz zot leker ti ranpli avek mesanste, zot pou anbet kanmarad par bann mansonz. Me zot pa pou reisi akoz en letan in ganny fikse pour lafen.

Levanzil dapre Lik 7:39

Kan sa Farizyen ki ti'n envit Zezi, ti war sa, i ti dir dan li menm: Si sa zonm ti en profet, i ti pou konnen lekel sa fanm ki pe tous li, e ki i en fanm movez vi.

Ziz 16:15

Dalila ti dir li, “Koman ou kapab dir ou kontan mwan, alor ki ou leker pa avek mwan. I fer trwa fwa ki ou'n tronp mwan e ou pa'n dir mwan kote ou gran lafors i sorti.”