Proverb 22:16 - Labib An Kreol Seselwa

¹⁶ Sa enn ki kraz en pov pou rann li ris; sa enn ki donn en ris, pou vin pov li menm.

Proverb 22:16 ပူးပေါင်းရင်းမြစ်များ

Psonm 12:5

SENYER i deklare: Akoz bann pov in ganny kraze, akoz bann ki dan bezwen pe plennyen, mon pou pran aksyon. Mon pou protez zot parey zot demande.

Proverb 14:31

Sa enn ki oprim en pov i ensilte son Kreater; sa enn ki sekour en pov i onor SENYER.

Proverb 28:22

En dimoun avar i prese pour li vin ris; i pa konnen ki lanmizer pour tap li.

Proverb 28:3

En diktater ki oprim bann malere, i parey en gro lapli ki pa les nanryen pou manze apre.

Eklezyas 5:8

Pa etonnen si ou war bann pov pe ganny kraze par labi e kan dimoun dan pei i perdi zot drwa e pa ganny lazistis. Annefe, par lao en fonksyonner enportan, i annan en sef pli enportan ki protez li; par lao tou le de, i annan en lot sef pli enportan ankor.

Levanzil dapre Lik 16:24

I ti kriy for: Per Abrahanm! Pran pitye pour mwan! Anvoy Lazar tranp son bout ledwa dan delo pour vin rafresir mon lalang, akoz mon pe soufer bokou dan sa laflanm.

Let Zak 2:13

Annefe, Bondye pou san pitye kan i pou ziz sa enn ki pa'n pran pitye pour lezot. Me sa enn ki annan pitye, napa nanryen pour li per zizman.