Proverb 21:2 - Labib An Kreol Seselwa

² Dimoun i krwar ki tou sa ki i fer i byen; me SENYER ki sond leker.

Proverb 21:2 ပူးပေါင်းရင်းမြစ်များ

Liv Zob 31:6

mon demande ki Bondye i ziz mwan e rekonnet mon linosans.

Psonm 36:2

I flat son lekor ki i pa rekonnet son pese. I mazinen ki Bondye pa pou war son pese e kondann li.

Proverb 12:15

En fou i krwar ki li tousel ki annan rezon; me sa enn ki saz i ekout konsey.

Proverb 16:2

Zonm i krwar touzour ki i byen azir; me SENYER ki egzamin fon leker.

Proverb 16:25

En semen i paret drwat pour en zonm; me finalman, i en semen ki kondwir ver lanmor.

Proverb 17:3

Dife i teste lor ek larzan; me SENYER i sond leker.

Proverb 20:6

Bokou dimoun i dir ki i fidel; me lekel ki kapab trouv en zonm sir?

Proverb 24:12

Si ou dir: Nou pa ti konnen; eski sa enn ki egzamin leker pa pou konpran? Sa enn ki vey lo ou pa pou konnen? Pa i pou rekonpans sakenn dapre son aksyon?

Proverb 30:12

I annan en bann ki krwar zot pir, me ki pa'n lav zot salte.

Zeremi 17:10

Mwan, SENYER, mon teste sa ki zonm i mazinen; mon egzamin son bann santiman. Mon tret sakenn dapre son mannyer viv, dapre son bann aksyon.

Danyel 5:27

TEKEL, savedir peze: Ou'n ganny peze lo en balans e ou'n ganny trouve tro leze.

Levanzil dapre Lik 16:15

Me Zezi ti dir zot, “Zot parmi bann dimoun ki fer zot pas pour zis, me Bondye i konn zot leker. Annefe, i deteste sa ki zonm i konsider gran.

Galat 6:3

Si en dimoun i krwar ki i enportan, alor ki i en nanryen ditou, i pe anbet son prop lekor.

Let Zak 1:22

Pa bezwen tronp zot lekor: Pa zis ekout Parol Bondye; fodre osi met li an pratik.

Revelasyon 2:23

Mon pou osi met anmor tou son bann zanfan. Alor, tou bann Legliz ava konnen ki mon konn tou mazinasyon ek dezir zonm. Mon pou tret sakenn zot dapre sa ki zot i'n fer.

1 Samyel 16:7

Me SENYER ti dir Samyel, “Pa get son laparans ni son grander, akoz mon'n rezet li. SENYER pa war parey zonm i war. Zonm i get laparans eksteryer, me SENYER i get dan leker.”