Proverb 20:7 - Labib An Kreol Seselwa

⁷ Sa enn ki zis i viv onnetman; zanfan ki vin apre li pou byennere.

Proverb 20:7 ပူးပေါင်းရင်းမြစ်များ

Zenez 17:7

“Mon pou etabli mon lalyans ant mwan ek ou e avek ou desandans apre ou, atraver tou zot zenerasyon. Sa lalyans ava dire pour touzour. Mon pou vin ou Bondye e Bondye tou ou desandans apre ou.

Liv Zob 1:1

Dan pei Ous, ti annan en zonm ki ti apel Zob. I ti en zonm zis e drwat. I ti annan gran respe pour Bondye e i ti evite fer sa ki mal.

Psonm 112:2

Son bann desandan pou pwisan dan pei; Zenerasyon dimoun ki drwat pou ganny beni.

Psonm 15:2

Sa enn ki san repros, ki fer sa ki byen, ki dir laverite e son leker i onnet;

Psonm 26:1

SENYER! Deklar mwan inosan. Mon'n anmenn en lavi san repros. Mon'n met mon konfyans dan SENYER. Mon pa pou tonbe.

Psonm 26:11

Mon'n anmenn en lavi san repros. SENYER! Delivre mwan. Pran pitye pour mwan.

Psonm 37:26

Tou le zour i montre zenerozite e i prete; son bann zanfan i en benediksyon.

Proverb 13:22

En bon dimoun i les en leritaz pour son bann pti zanfan; me sa enn ki zis pou erit lafortin en peser.

Proverb 14:2

Sa enn ki swiv en semen drwat i respekte SENYER. Me sa enn ki pran move semen i mepriz SENYER.

Proverb 14:26

Sa enn ki annan respe pour SENYER i viv dan konfyans; son bann zanfan i viv an sekirite.

Proverb 19:1

Vomye en pov ki viv onnetman, ki en ipokrit ki bet.

Ezai 33:15

Sa ki mars drwat e ki dir laverite, ki refiz bann lavantaz ki i'n gannyen par lafors, ki refiz pran gous, ki bous son zorey pour li pa ekout proze kriminel e ki ferm son lizye pour li pa war mesanste.

Zeremi 32:39

Mon pou donn zot en sel leker e en sel mannyer viv ki ava fer zot annan respe pour mwan, pour touzour. Sa i ava pour zot prop boner e osi pour boner zot bann desandan.

Levanzil dapre Lik 1:6

Tou le de, ti mars dan ladrwatir devan Bondye. Zot ti swiv parfetman tou bann komannman ek bann Lalwa Senyer.

Akt de Zapot 2:39

Annefe, promes Bondye in ganny fer pour zot tou, pour zot bann zanfan, e tou bann ki lwen, ki Senyer nou Bondye ava apele.”

2 Korentyen 1:12

La sa ki fer nou fyer: Nou konsyans i dir nou ki nou kondwit dan lemonn, e sirtou anver zot, in avek senplisite ek senserite devan Bondye; non pa avek lasazes imen, me avek lagras Bondye.