Proverb 20:6 - Labib An Kreol Seselwa

⁶ Bokou dimoun i dir ki i fidel; me lekel ki kapab trouv en zonm sir?

Proverb 20:6 ပူးပေါင်းရင်းမြစ်များ

Psonm 12:1

SENYER! Mon kriy osekour. Tou dimoun fidel in disparet. Nepli annan personn ki ou kapab fer konfyans.

Psonm 12:2

Dimoun i koz manti avek kanmarad. Zot flat avek zot labous, me zot leker pa senser.

Proverb 20:5

En proze dan leker en zonm i parey delo anba later. En zonm avek disernman i konn servi sa delo.

Proverb 25:14

Sa enn ki promet kado ki i pa zanmen donnen, i parey nyaz ek divan ki pa anmenn lapli.

Proverb 27:2

Les lezot dimoun felisit ou, les en etranze fer li, me pa ou.

Eklezyas 7:28

Mon'n rode ankor, me mon pa'n trouve. Mon'n trouv en zonm parmi 1,000; me mon pa ankor dekouver en sel fanm parmi zot tou.

Zeremi 5:1

Zabitan Zerizalenm! Patrol dan bann lari lavil! Ouver zot lizye! Gete dan bann plas piblik! Gete si zot war en sel dimoun ki fer sa ki drwat e ki esey reste fidel anver Bondye. Si ou reisi, alor SENYER ava pardonn Zerizalenm.

Mise 7:1

Gran maler lo mwan! Mon'n vin parey sa enn ki, apre rekolt fri lete, apre ki lasezon rezen in fini, napa en sel grap pour manze, ni en sel fig kont sezon ki mon kontan.

Mise 7:2

Dimoun ki fidel in disparet dan pei. Nepli annan en sel dimoun onnet. Zot tou, zot pe tranpe pour fer koule disan. Sakenn in met en pyez kont son prosen.

Matye 6:2

Donk, kan ou fer lomonn, pa bezwen fer tapaz pour atir latansyon, parey bann ipokrit i fer dan sinagog e dan semen. Zot fer sa pour ganny felisite. Mon dir zot, sa i laverite: Sa dimoun in deza ganny son rekonpans.

Levanzil dapre Lik 18:11

Sa Farizyen ti debout e priy dan li menm: Mon Bondye! Mon remersye ou ki mon pa parey leres bann zonm ki voler, enzis, adilter. Mon remersye ou osi akoz mon pa parey sa kolekter taks.

Levanzil dapre Lik 18:28

Alor, Pyer ti dir, “Nou, nou'n kit tou sa ki nou ti annan pour swiv ou.”

Levanzil dapre Lik 18:8

Mon dir zot, i pou rann zot lazistis deswit. Me kan Fis-de-Lonm pou vini, eski i pou trouv lafwa lo later?”

Levanzil dapre Lik 22:33

Pyer ti reponn Zezi, “Senyer! Mon pare pour al avek ou dan prizon e menm mor avek ou.”

Levanzil dapre Zan 1:47

Kan Zezi ti war Natanael pe vin kot li, i ti dir, “La en vre Izraelit ki fran.”

2 Korentyen 12:11

Mon'n koz koman en fou! Me zot ki'n fors mwan. Zot ki ti devre koz dan mon faver. Annefe, menm si mon en nanryen ditou, mon pa ditou enferyer avek zot bann gran zapot.