Proverb 18:5 - Labib An Kreol Seselwa

⁵ I pa byen donn rezon sa enn ki koupab; oubyen refiz enn ki zis, son drwa

Proverb 18:5 ပူးပေါင်းရင်းမြစ်များ

Liv Zob 34:19

Bondye pa fer lapreferans pour bann sef; i pa montre lapreferans ant ris ek pov parey, akoz zot tou le de, zot ti ganny kre par li.

Psonm 82:2

Kan eski zot pou arete donn bann zizman enzis e fer preferans pour bann ki koupab?

Egzod 23:2

Ou pa pou swiv lopinyon mazorite dimoun ki oule fer dimal, ni servi fo temwen dan en zafer, e tonm dakor avek en mazorite kont lazistis.

Egzod 23:3

Ou pa pou sanz ou temwannyaz dan en zafer par preferans pour en dimoun zis akoz i pov.

Egzod 23:6

Ou pa pou priv en pov son drwa dan en zafer.

Proverb 17:15

SENYER i deteste sa enn ki deklar en koupab inosan e sa enn ki kondann en inosan.

Proverb 17:26

I pa bon kondann en inosan, fwet en dimoun enportan i al kont son drwa.

Proverb 24:23

La ankor bann konsey sorti kot bann saz: I pa bon donn fo zizman.

Proverb 28:21

I pa bon fer preferans ant dimoun; sepandan, pour en morso dipen, serten i kapab enzis.

Proverb 31:5

Ler zot in bwar, zot oubliye sa ki lalwa i dir e zot trai drwa bann pov.

Ezai 5:23

Zot ki larg en koupab pour gous e refiz bann inosan zot drwa.

Ezai 59:14

Pour sa rezon, lazistis pa'n progrese e ladrwatir in rekile; laverite i ganny dezonore dan plas piblik e napa plas pour lonnekte.

Levitik 19:15

Pa rann okenn zizman enzis; pa fer preferans pour sa enn ki pov, ni favoriz sa enn ki pwisan. Ou ava ziz ou prosen avek lazistis.

Mise 3:9

Ekoute! Zot bann sef dan fanmir Zakob, bann ziz dan fanmir Izrael! Zot ay lazistis; zot tordi tou sa ki drwat.

Mise 7:3

Zot bann eksper dan sa ki mal. Bann sef ek bann ziz pe esper gous. Dimoun enportan i fer konnen sa ki zot anvi. Zot manigans ansanm pour fer ekstorsyon.

Matye 22:16

Zot ti anvoy serten zot bann disip ek serten manm dan parti Herod kot Zezi pou dir li, “Met! Nou konnen ki ou fran e ki ou ansenny semen Bondye dan tou laverite, san les personn enfliyans ou, akoz ou pa fer lapreferans pour personn.

Deterononm 16:19

Ou pa devre fos lazistis; ou pa devre ziz dapre laparans. Ou pa devre aksepte gous, akoz gous i bous lizye en saz e i fos desizyon en zonm zis.