Proverb 16:6 - Labib An Kreol Seselwa

⁶ Lalwayote ek lanmour i pardonn en fot; Sa enn ki annan respe pour SENYER i evit fer sa ki mal.

Proverb 16:6 ပူးပေါင်းရင်းမြစ်များ

Zenez 20:11

Abrahanm ti dir, “Mon ti krwar ki ti napa personn ki annan respe pour Bondye isi e ki zot ti pou touy mwan akoz mon fanm.

Nehemi 5:15

Bann gouverner avan mwan, ti enpoz gro fardo lo lepep. Zot ti reklanm manze, diven, avek anplis, 40 pyes larzan. Menm zot bann serviter ti domin lepep. Me mwan, mon pa ti fer sa, par respe pour Bondye.

Nehemi 5:9

Alor, mon ti dir zot, “Sa ki zot pe fer i pa byen. Zot devre viv dan respe anver Bondye, pour zot pa ganny kraze par lezot nasyon, par nou bann lennmi.

Liv Zob 28:28

Alor Bondye ti dir avek limanite: Respe pour SENYER, sanmenm sa lasazes. Elwanny ou avek lemal, e ou ava trouv disernman!

Psonm 85:10

Labonte ek fidelite ava zwenn ansanm; lazistis ek lape ava anbras kanmarad.

Egzod 1:17

Me bann sazfanm ti annan respe pour Bondye e zot pa ti fer sa ki lerwa Lezip ti'n dir zot; zot ti les bann garson viv.

Egzod 20:20

Moiz ti dir lepep, “Pa bezwen per, akoz Bondye in vin teste zot pour ki zot ava annan respe pour li e pa fer pese.”

Proverb 14:16

En saz i per maler e i pas akote; sa enn ki bet i azir tro vit akoz i fer tro konfyans.

Proverb 14:2

Sa enn ki swiv en semen drwat i respekte SENYER. Me sa enn ki pran move semen i mepriz SENYER.

Proverb 14:27

Respe anver SENYER i sours lavi; i ede pa tonm dan bann pyez lanmor.

Proverb 16:5

SENYER i deteste dimoun arogan; sirman zot pou ganny pini.

Proverb 20:28

Labonte ek lwayote i protez lerwa; son tronn i ganny soutenir par fidelite.

Proverb 3:3

Reste touzour bon e fidel. Atas sa bann kalite otour ou likou; ekri zot lo lardwaz ou leker.

Proverb 3:7

Pa krwar ou tro saz; annan respe pour SENYER e elwanny avek sa ki mal.

Proverb 8:13

Ler ou annan respe anver SENYER, ou deteste sa ki mal. Mon deteste lorgey ek larogans, movez aksyon ek mansonz.

Danyel 4:24

Mazeste! La son lenterpretasyon: Sa i desizyon Bondye Toupwisan ki'n ariv kot ou, mon senyer lerwa:

Danyel 4:27

Mazeste! Aksepte mon konsey: Ranplas ou bann pese par lazistis e ou bann fot par konpasyon anver bann pov. Petet sa ava prolonz ou trankilite.”

Levitik 25:17

Zot pa pou tronp kanmarad. Zot ava montre respe pour zot Bondye. Mwan menm SENYER zot Bondye.

Levanzil dapre Lik 11:41

Alor, donn bann pov sa ki dan ou lasyet, e tou ava vin prop pour zot.

Levanzil dapre Zan 15:2

Tou brans ki atase avek mwan e ki pa raport fri i ganny koupe. Tou brans ki raporte, i tay zot pour ki zot raport ankor plis fri.

Akt de Zapot 15:9

I pa ti fer okenn diferans ant zot ek nou; me i ti pirifye zot leker, akoz zot in krwar.

2 Korentyen 7:1

Mon bann zanmi! Tou sa bann promes i pour nou. Alor, annou pirifye nou kont tou sa ki sali lekor ek lespri. Annou fer tou pour vin konpletman sen, an vivan dan respe anver Bondye.

Efezyen 5:21

Par respe ki zot annan pour Kris, obei kanmarad.

Deterononm 30:13

Zot pa ni lwen lo lot kote lanmer pour ki ou devre dir: Lekel ki pou travers lot kote lanmer pour anmenn zot pour nou, pour ki nou ava kapab antann zot e met zot an pratik?

1 Pyer 1:22

Zot, zot in ganny pirifye par zot lobeisans anver laverite, pour zot kontan kanmarad senserman koman bann frer. Donk, kontan kanmarad bokou avek en leker pir.