Proverb 16:2 - Labib An Kreol Seselwa

² Zonm i krwar touzour ki i byen azir; me SENYER ki egzamin fon leker.

Proverb 16:2 ပူးပေါင်းရင်းမြစ်များ

Psonm 36:2

I flat son lekor ki i pa rekonnet son pese. I mazinen ki Bondye pa pou war son pese e kondann li.

Proverb 12:15

En fou i krwar ki li tousel ki annan rezon; me sa enn ki saz i ekout konsey.

Proverb 16:25

En semen i paret drwat pour en zonm; me finalman, i en semen ki kondwir ver lanmor.

Proverb 17:3

Dife i teste lor ek larzan; me SENYER i sond leker.

Proverb 21:2

Dimoun i krwar ki tou sa ki i fer i byen; me SENYER ki sond leker.

Proverb 24:12

Si ou dir: Nou pa ti konnen; eski sa enn ki egzamin leker pa pou konpran? Sa enn ki vey lo ou pa pou konnen? Pa i pou rekonpans sakenn dapre son aksyon?

Proverb 30:12

I annan en bann ki krwar zot pir, me ki pa'n lav zot salte.

Proverb 5:21

Annefe, SENYER i war tou sa ki zonm i fer; i egzamin tou zot aksyon.

Ezai 26:7

Semen lazistis i drwat. Ou ki zis! Fer drwat semen sa enn ki zis.

Zeremi 17:10

Mwan, SENYER, mon teste sa ki zonm i mazinen; mon egzamin son bann santiman. Mon tret sakenn dapre son mannyer viv, dapre son bann aksyon.

Danyel 5:27

TEKEL, savedir peze: Ou'n ganny peze lo en balans e ou'n ganny trouve tro leze.

Nonm 22:32

Lanz SENYER ti demann li, “Akoz ou'n bat ou bourik? La i fer trwa fwa. Mon'n vin pour anpes ou fer sa vwayaz, akoz sa semen pou anmenn maler lo ou.

Levanzil dapre Lik 16:15

Me Zezi ti dir zot, “Zot parmi bann dimoun ki fer zot pas pour zis, me Bondye i konn zot leker. Annefe, i deteste sa ki zonm i konsider gran.

Revelasyon 2:18

Ekri Lanz Legliz dan Tyatir: La sa ki Garson Bondye i deklare, sa enn ki son lizye i parey laflanm dife, e son lipye i parey bronz poli:

Revelasyon 2:23

Mon pou osi met anmor tou son bann zanfan. Alor, tou bann Legliz ava konnen ki mon konn tou mazinasyon ek dezir zonm. Mon pou tret sakenn zot dapre sa ki zot i'n fer.

Ziz 17:6

Dan sa lepok, ti napa okenn lerwa dan Izrael; sakenn ti fer sa ki i ti anvi.

Ziz 7:6

300 zonm ti met delo dan zot lanmen e bwar avek lalang; tou leres dan larme ti met zot azenou pour bwar.

1 Samyel 16:7

Me SENYER ti dir Samyel, “Pa get son laparans ni son grander, akoz mon'n rezet li. SENYER pa war parey zonm i war. Zonm i get laparans eksteryer, me SENYER i get dan leker.”

1 Samyel 2:3

Aret koz parol arogan; pa les parol ensolan sorti dan ou labous, akoz SENYER i en Bondye ki konn tou. I ziz tou aksyon ki dimoun i fer.