Proverb 16:18 - Labib An Kreol Seselwa

¹⁸ Lorgey i vin avan dezas; larogans i vin avan larin.

Proverb 16:18 ပူးပေါင်းရင်းမြစ်များ

Ester 3:5

Ler Haman ti remarke ki Mardose pa ti tonm azenou ni prosternen devan li, i ti pran en gran lakoler.

Ester 6:6

Haman ti antre, e lerwa ti demann li, “Ki devre fer pour sa enn ki lerwa i anvi onore?” Haman ti dir dan li menm: Lekel sa enn ki lerwa i anvi fer loner plis ki mwan?

Ester 7:10

Alor, zot ti pann Haman lo lesafo ki i ti'n prepare pour pann Mardose. Apre, lakoler lerwa ti tonbe.

Proverb 11:2

Ler lorgey i vini, mepri i akonpanny li; me lasazes i akonpanny dimoun senp.

Proverb 17:19

Sa enn ki kontan ofans dimoun, i kontan senm diskord; sa enn ki pas pour enportan pe rod maler.

Proverb 18:12

Avan katastrof, leker en zonm i ranpli avek lorgey; me limilite i vin avan loner.

Proverb 29:23

Lorgey en zonm pour imilye li; me sa enn ki senp, ava ganny loner.

Proverb 8:13

Ler ou annan respe anver SENYER, ou deteste sa ki mal. Mon deteste lorgey ek larogans, movez aksyon ek mansonz.

Ezai 37:38

En zour, letan i ti pe priye dan tanp son bondye Nisrok, son de garson, Adramelek ek Sareser ti touy li avek lepe e sov dan pei Ararat. Son garson Asaradon ti renny dan son plas.

Zeremi 49:16

Ou larogans i fer ou krwar ki tou dimoun i per ou. Me ou tronpe. Ou reste lao lo latet montanny, dan bann trou ros; me menm si ou viv la anler parey bann leg, mon pou fer ou desann, SENYER i deklare.

Zeremi 50:32

Sa nasyon ki vantar, pour fer en fo pa e i pou tonbe. Personn pa pour vin ed li. Mon pour met dife avek son bann lavil e tou sa ki otour li, pour ganny detri.

Ezekyel 28:17

Lorgey in ranpli ou leker akoz ou labote; par ou renonmen, ou lasazes in koronpi. Alor, mon zet ou ater e fer ou vin en spektak devan bann lerwa.

Ezekyel 29:9

Lezip pou vin en pei devaste, en dezer. A lor, zot ava konnen ki mwan menm SENYER. Akoz ou pe dir: Larivyer Nil i pour mwan, mwan ki'n fer li.

Danyel 11:12

Avek son laviktwar lo sa gran larme, leker lerwa Sid pou ranpli avek lorgey. I pou touy plizyer milye gerye, me son laviktwar pa pou dire.

Danyel 5:22

Ou, Baltazar, son garson, ou pa'n imilye ou leker, menm ki ou ti konn tousala.

Danyel 5:24

Pour sa rezon ki i'n anvoy sa lanmen ekri sa mesaz.

Matye 26:74

Pyer ti fer serman e demann malediksyon lo li, “Mon pa konn sa zonm!” Anmenmtan, en kok ti sante.

Levanzil dapre Lik 14:9

Sa dimoun ki'n envit zot, ava kapab vin dir ou: Sed li sa plas. Alor, avek laont, ou ava bezwen al pran dernyen plas.

Romen 11:20

Sa i zis: Zot in ganny koupe akoz zot in mank lafwa, e ou, ou dan sa plas akoz ou lafwa. Me pa bezwen fer vantar. Fer plito atansyon.

1 Timote 3:6

Fodre pa ki i en nouvo konverti, akoz i riske gonfle avek lorgey e ganny kondannen parey dyab.

Ziz 11:28

Me lerwa bann Amonit pa ti ekout sa ki Zefte ti'n dir.

1 Samyel 17:42

Sa Filisten ti get David avek mepri, akoz pour li, David ti zis en zoli garson avek en ten kler.