Proverb 15:9 - Labib An Kreol Seselwa

⁹ SENYER i deteste mannyer fer en malfeter; me i kontan sa enn ki rod lazistis.

Proverb 15:9 ပူးပေါင်းရင်းမြစ်များ

Psonm 1:6

Annefe, SENYER i protez semen bann ki zis. Me bann malfeter i pran semen ki anmenn dan perdisyon.

Psonm 11:7

SENYER i zis. I kontan bann aksyon ki zis. Dimoun ki leker i pir ava kapab regard li anfas.

Psonm 139:24

Gete si mon lo bon semen e gid mwan lo semen leternite.

Psonm 5:5

Dimoun arogan pa reste dan ou prezans; ou deteste dimoun ki fer sa ki mal.

Proverb 15:10

Sa enn ki abandonn en bon semen, pou ganny pini severman; me sa enn ki deteste repros, pou mor.

Proverb 21:21

Sa enn ki rod lazistis ek lafidelite, pour dekouver lavi, lazistis ek loner.

Proverb 21:4

En regar fyer e en leker ranpli avek larogans, i montre ki ou en malfeter: I en pese.

Proverb 21:8

Semen sa enn ki malonnet i tord; me mannyer fer sa enn ki inosan i drwat.

Proverb 4:19

Semen bann malfeter i parey gro fernwanr; zot pa konnen kwa ki fer zot tonbe.

Proverb 8:13

Ler ou annan respe anver SENYER, ou deteste sa ki mal. Mon deteste lorgey ek larogans, movez aksyon ek mansonz.

Ezai 26:7

Semen lazistis i drwat. Ou ki zis! Fer drwat semen sa enn ki zis.

Ezai 51:1

Zot, ki rod lazistis! Zot, ki rod SENYER, ekout mwan! Lev zot lizye ver sa ros dan lekel zot ti ganny taye, ver sa karyer kot zot sorti.

Ezai 51:7

Ekout mwan! Ou ki konn lazistis! Ou sa pep ki gard mon lansennyman dan ou leker! Pa bezwen per repros ki sorti kot zonm. Pa bezwen tranble ler zot ensilte ou,

Zeremi 44:4

Pourtan, mwan, mon pa'n arete anvoy zot mon bann serviter, bann profet ki ti dir zot pa fer sa bann keksoz degoutan ki mon pa kontan.

Oze 6:3

Annou konn li, annou vreman rode pour konn SENYER. I pou aparet, sa i sir parey lizour i fer. I pou vini zis parey lapli i tonbe, parey lapli i aroz later dan sezon lapli.

Habakouk 1:13

Ou lizye i tro pir pour kontanple lemal. Ou pa kapab get maler, pourtan, ou get bann tret san dir nanryen. Kan bann malfeter i detri bann pli zis ki zot, akoz ou reste trankil?

Matye 7:13

Antre par laport etrwat! Annefe, laport ki kondwir ver lanmor i larz. I annan bokou ki pas par la.

Deterononm 7:13

I pou kontan ou, beni ou, fer ou vin nonbre. I pou beni ou bann zanfan e fri ou later: Ou dible, ou diven ek ou delwil. I pou beni ou bann zannimo: Zenis e bann zenn mouton, lo later ki i'n fer serman avek ou bann zanset pour li donn ou.

1 Timote 6:11

Pour ou ki en zonm Bondye, evit tousala. Atas ou avek lazistis, lafwa dan Kris, lanmour, pasyans ek ladouser.

2 Timote 2:22

Alor, pa swiv bann pasyon lazenes. Rod lazistis, lafwa, lanmour, lape, ansanm avek bann ki envok Senyer avek en leker pir.