Proverb 15:7 - Labib An Kreol Seselwa

⁷ Labous sa enn ki saz i senm konnesans; me leker sa enn ki bet pa vo nanryen.

Proverb 15:7 ပူးပေါင်းရင်းမြစ်များ

Psonm 119:13

Mon labous i repet tou bann desizyon ki ou prononse.

Psonm 37:30

Dan labous bann zis, i sorti parol lasazes e parol drwat.

Psonm 45:2

Ou pli zoli parmi bann zonm; ou koz avek elegans. Pour sa rezon, Bondye in beni ou pour touzour.

Proverb 15:2

Parol en saz i ogmant konnesans; me labous en fou i repann lafoli.

Proverb 15:6

Lakaz sa enn ki zis i ranpli avek larises; me sa enn ki malonnet, i atir maler lo son byen.

Proverb 15:8

SENYER i deteste sakrifis ofer par bann malonnet; me i pran plezir dan lapriyer sa enn ki zis.

Proverb 16:23

Sa enn ki saz i reflesi avan koze; konmsa, i kapab konvenk dimoun par son bann parol.

Proverb 5:2

Alor, ou ava byen reflesir e ou labous ava konserv konnesans.

Eklezyas 10:2

En zonm saz i fer sa ki byen me en sot i fer zis gasi.

Kantik Salomon 4:11

Mon fiyanse! Ou lalev i distil dimyel, anba ou lalang i annan dimyel ek dile; ou lenz i santi loder Liban.

Matye 10:27

Sa ki mon dir zot dan fernwanr, repet li dan kler. Sa ki zot tande an sekre, pibliy li lo twa lakaz.

Matye 12:34

Ras serpan ki zot ete! Ki mannyer zot pou kapab dir bon keksoz, kan zot menm, zot move? Annefe, labous i dir sa ki deborde dan leker.

Mark 16:15

I ti dir zot, “Al partou dan lemonn antye; anons Bonn Nouvel avek tou dimoun.

Efezyen 4:29

Pa les bann move parol sorti dan zot labous; me koz zis bann parol itil ki kapab ed lezot pour progrese dan lafwa e kan i neseser, pour fer dibyen sa enn ki ekout ou.

2 Timote 2:2

Sa ki ou'n antann mwan anonse devan en kantite temwen, konfye li avek bann zonm dan ki ou annan konfyans. Konmsa, zot osi, zot ava kapab ansenny lezot.

Let Zak 3:6

Lalang osi i parey en dife. I en lemonn lemal ki'n ganny enstale dan nou lekor e i sali nou lekor antye. I met dife dan nou legzistans antye, avek en dife ki sorti depi lanfer.