Proverb 15:5 - Labib An Kreol Seselwa

⁵ En fou i mepriz lenstriksyon son papa; me sa enn ki aksepte bann reprimann i pridan.

Proverb 15:5 ပူးပေါင်းရင်းမြစ်များ

1 Kronik 28:20

David ti dir ankor avek son garson Salomon, “Reste for, pran kouraz e azir. Pa bezwen ni per, ni dekouraze, akoz SENYER Bondye, mon Bondye i avek ou. I pa pou les ou tonbe, i pa pou abandonn ou, tan ki bann travay pour servis dan Tanp SENYER pa ankor fini.

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

Psonm 141:5

Mon aksepte ganny pini par en zonm zis e ganny korize avek bonte. Sa i en zes ki mon pa kapab refize.

Proverb 1:23

Ekout mon bann lavertisman! Alor, mon ava devers mon konnesans lo zot; mon ava fer zot konn mon mesaz.

Proverb 1:7

Respe pour SENYER i konmansman lasazes. Zis bann fou ki napa respe pour lasazes ek lenstriksyon.

Proverb 10:1

Proverb Salomon. En zanfan saz i donn lazwa son papa; en zanfan bet i sagrin son manman.

Proverb 13:1

En zanfan ki saz i ekout lenstriksyon son papa, me en zanfan ensolan pa ekout okenn repros.

Proverb 13:18

Sa enn ki refize aprann, pou vin pov e ganny meprize. Me sa enn ki aksepte kritik, pou ganny onore.

Proverb 15:4

En bon parol i parey en pye dibwa ki donn lavi; me en parol kriyel i kas leker.

Proverb 15:6

Lakaz sa enn ki zis i ranpli avek larises; me sa enn ki malonnet, i atir maler lo son byen.

Proverb 19:20

Ekout bann konsey e aksepte lenstriksyon; konmsa, plitar, ou ava vin en saz.

Proverb 25:12

En bag annor, en lornman fen annor, i parey konsey en saz pour en zorey ki ekoute.

Proverb 6:23

Annefe, bann komannman i en lalanp, e lansennyman en lalimyer; bann lavertisman ek bann koreksyon, i en semen lavi.

Let Pol pour bann Tit 1:13

Sa temwannyaz i laverite. Pour sa rezon, reprimann zot severman, pour ki zot lafwa i vin solid,

Let Pol pour bann Tit 2:15

Konmsa ki ou devre ansennyen, par servi tou ou lotorite pour ankouraz oubyen repros bann ki ekout ou. Pa les personn mepriz ou.