Proverb 15:32 - Labib An Kreol Seselwa

³² Sa enn ki refiz lenstriksyon, i mepriz son prop lekor; sa enn ki ekout konsey, i aprann koman reflesir.

Proverb 15:32 ပူးပေါင်းရင်းမြစ်များ

Revelasyon 3:19

Mon koriz e mon pini tou sa bann ki mon kontan. Montre bokou devouman, e sanz ou konportman.

Proverb 1:7

Respe pour SENYER i konmansman lasazes. Zis bann fou ki napa respe pour lasazes ek lenstriksyon.

Ezai 1:5

Akoz ou rod ganny bate ankor? Akoz ou kontinyen revolte? Ou latet i malad e ou leker i soufer.

Proverb 18:15

En lespri avek disernman i anmenn konnesans; en saz i kontan antann konnesans.

Let Zak 1:22

Pa bezwen tronp zot lekor: Pa zis ekout Parol Bondye; fodre osi met li an pratik.

Zeremi 5:3

I vre, SENYER: Laverite ki enteres ou! Ou'n pini zot, me pa fer zot nanryen. Ou'n preski detri zot; me zot in refize aprann. Zot in fer latet; zot refize retourn kot ou.

Proverb 29:1

Sa enn ki ganny averti me ki rezenbe pour ganny tape en sel kou e san remed.

Proverb 17:16

Ki en sonm larzan i kapab fer dan lanmen en fou? Pour li aste lasazes? Non, i tro bet pour fer menm sa.

Proverb 15:21

Sa enn ki fou i pran plezir dan lafoli; me en zonm rezonnab i mars drwat lo son semen.

Proverb 15:14

En saz i rod konnesans. Labous sa enn ki fou i pran plezir dan lafoli.

Psonm 50:17

ou ki pa aksepte ganny korize e ki rezet mon parol?

Deterononm 21:20

Zot ava dir bann ansyen sa lavil: Nou garson i dezobeisan e rebel. I pa oule ekout nou. I en vwayou e en soular.

Deterononm 21:18

Si en zonm i annan en garson dezobeisan e rebel ki pa obei ni son papa ni son manman, ki pa ekout zot ler zot koriz li;

Ebre 12:15

Fer atansyon ki personn pa mepriz lagras Bondye. Pa les okenn rasin anmer pouse e koz problenm ki afekte kominote.

Proverb 13:18

Sa enn ki refize aprann, pou vin pov e ganny meprize. Me sa enn ki aksepte kritik, pou ganny onore.

Proverb 15:5

En fou i mepriz lenstriksyon son papa; me sa enn ki aksepte bann reprimann i pridan.

Proverb 15:31

Sa enn ki ekout konsey ki lavi i donn li, ava annan son plas parmi bann saz.

Proverb 15:33

Respe pour SENYER i ansenny lasazes. Limilite i vin avan loner.

Eklezyas 7:5

Plito ekout repros en saz ki ekout sanson bann sot.

Ezai 3:9

Zot move aksyon i en temwen kont li. Zot montre zot pese parey Sodonm. Maler! Zot loter zot prop maler.

Proverb 10:17

Sa enn ki aksepte disiplin i lo semen lavi; me sa enn ki refize ganny korize, pe sorti lo bon semen.

Proverb 19:20

Ekout bann konsey e aksepte lenstriksyon; konmsa, plitar, ou ava vin en saz.