Proverb 15:30 - Labib An Kreol Seselwa

³⁰ En zoli regar i met lazwa dan leker; en bon nouvel i redonn lafors.

Proverb 15:30 ပူးပေါင်းရင်းမြစ်များ

Esdras 9:8

Me la, SENYER nou Bondye, pour en pti pe letan, ou'n montre nou ou faver. Ou'n permet ki i reste detrwa sirvivan parmi nou pep e akord nou en landrwa, dan ou pei sakre. Nou Bondye in ouver nou lizye e redonn nou en pe lespwar dan nou lesklavaz.

Psonm 89:15

I byennere sa pep ki konn sant zot lazwa, ki viv dan lalimyer ou prezans, SENYER.

Proverb 12:25

En leker ki trakase i fer en zonm tonm dan depi, me en bon parol i donn li lazwa.

Proverb 13:9

Lalimyer sa enn ki zis i rann zwaye; en malfeter i parey en lalanp ki'n tennyen.

Proverb 15:29

SENYER i reste lwen avek bann malfeter; me i ekout lapriyer sa enn ki zis.

Proverb 15:31

Sa enn ki ekout konsey ki lavi i donn li, ava annan son plas parmi bann saz.

Proverb 17:22

En leker zwaye i en bon remed; me en lespri tris i deperi bann lezo.

Proverb 25:25

En bon nouvel sorti dan en pei lwenten i parey delo fre pour sa enn ki pe mor laswaf.

Proverb 3:8

Sa i ava en remed pour ou lekor e i ava kalme ou douler.

Eklezyas 11:7

Lalimyer granmaten i bon; i bon pour lizye, pour war soley.

Ezai 58:11

SENYER pou touzour gid ou e donn ou tou sa ki ou bezwen. I pou redonn ou lafors ler ou dan difikilte e ou ava parey en zarden byen aroze, parey en sours ki pa zanmen mank delo.

Revelasyon 21:23

Lavil pa bezwen ni soley, ni lalin pour ekler li, akoz laglwar Bondye i son lalimyer, e Zenn Mouton i son lalanp.

Revelasyon 22:5

Pou nepli annan lannwit. Zot pou nepli bezwen ni lalimyer en lalanp, ni lalimyer soley, akoz Senyer Bondye pou vin zot lalimyer. Zot pou renny pour touzour.