Proverb 15:3 - Labib An Kreol Seselwa

³ Lizye SENYER i partou; i obzerv dimoun bon koman move.

Proverb 15:3 ပူးပေါင်းရင်းမြစ်များ

2 Kronik 16:9

SENYER i pronmnen son regar partou lo later pour soutenir bann ki zot leker i konpletman atase avek li. Me la, ou'n azir dan en fason stipid e apartir sa moman, ou bann lennmi pou deklar lager kont ou.

Liv Zob 24:23

I ti les zot krwar ki zot an sekirite. Me son lizye pa sorti lo sa ki zot fer.

Liv Zob 28:24

Annefe, son regar i ariv ziska dan bout later; i war tou sa ki anba lesyel.

Liv Zob 31:4

Pa i war tou mon konportman e kont sak lepa ki mon fer?

Psonm 33:13

Depi lesyel, SENYER i gete: I war tou dimoun.

Proverb 15:4

En bon parol i parey en pye dibwa ki donn lavi; me en parol kriyel i kas leker.

Proverb 5:21

Annefe, SENYER i war tou sa ki zonm i fer; i egzamin tou zot aksyon.

Zeremi 16:17

Mon war byen tou sa ki zot fer. Nanryen pa sap mwan; i kler ki zot koupab.

Zeremi 23:24

Personn pa kapab zwe avek mwan ki mon pa pou war li. Eski ou pa konnen ki mon partou dan lesyel e lo later? SENYER i deklare.

Zeremi 32:19

Ou bann proze i gran; ou realiz zot avek pwisans. Ou port bokou latansyon lo tou sa ki dimoun i fer; ou tret sakenn zot dapre son kondwit e dapre fri son bann aksyon.

Zakari 4:10

Sa enn ki'n mepriz letan bann pti keksoz, pou kontan kan i pou war sa pyer fondasyon dan lanmen Zorobabel! Sa set lalanp se lizye SENYER ki eksplor later antye.”

Ebre 4:13

Napa nanryen dan kreasyon ki kapab reste kasyet devan Bondye. Kreasyon antye i ekspoze devan lizye sa enn avek ki nou bezwen rann kont.