Proverb 15:16 - Labib An Kreol Seselwa

¹⁶ Vomye annan en pti gin me annan respe pour SENYER, ki annan larises e viv dan traka.

Proverb 15:16 ပူးပေါင်းရင်းမြစ်များ

Psonm 37:16

Sa pti gin ki en zis i posede, i preferab ki larises bokou malfeter.

Proverb 10:22

Benediksyon SENYER i donn larises; i pa anmenn okenn sagren.

Proverb 15:15

Pour en pov, lavi i difisil tou le zour; me pour en leker zwaye, lavi i en lafet tou le zour.

Proverb 16:8

Vomye ganny en pti pe onnetman, ki ganny bokou malonnetman.

Proverb 17:1

Vomye manz en morso dipen sek dan trankilite, ki partisip dan en festen kot i annan dispit.

Proverb 28:6

Vomye en pov ki viv onnetman, ki sa enn, menm si i ris, i annan movez kondwit.

Eklezyas 4:6

En pti ponnyen repo i pli bon ki de ponnyen travay ki zis i en lakours deryer divan.

1 Timote 6:6

Sertennman ki lafwa dan Bondye i en gran sours larises pour sa enn ki kontant li avek sa ki i annan.