Proverb 15:11 - Labib An Kreol Seselwa

¹¹ SENYER i konnen sa ki pase dan lemonn lanmor; me i konn plis, sa ki pase dan leker imen.

Proverb 15:11 ပူးပေါင်းရင်းမြစ်များ

2 Kronik 6:30

Alor, ou SENYER ekout zot depi lao dan lesyel kot ou reste, pardonn zot, tret zot dapre sa ki zot merite, akoz ou konn leker sakenn zot; wi, zis ou tousel ki konn leker bann imen.

Liv Zob 26:6

Devan Bondye lemonn lanmor napa sekre; nanryen pa kapab ganny kasyet devan son lizye.

Psonm 139:8

Si mon mont dan lesyel, ou la. Si mon desann dan lemonn lanmor, ou la.

Psonm 44:21

Bondye ki konn sekre leker imen, pa ti ava'n remarke?

Psonm 7:9

Bondye ki zis! Ou ki egzamin sa ki pase dan mon lespri e dan mon leker, fer fini mesanste bann malfeter. Ankouraz sa bann ki fer dibyen.

Proverb 15:10

Sa enn ki abandonn en bon semen, pou ganny pini severman; me sa enn ki deteste repros, pou mor.

Proverb 17:3

Dife i teste lor ek larzan; me SENYER i sond leker.

Proverb 27:20

Parey ki lemonn lanmor ek lemonn bann defen pa zanmen rasazye, lizye zonm osi pa zanmen satisfe.

Zeremi 17:10

Mwan, SENYER, mon teste sa ki zonm i mazinen; mon egzamin son bann santiman. Mon tret sakenn dapre son mannyer viv, dapre son bann aksyon.

Levanzil dapre Zan 21:17

Apre, Zezi ti demann li pour en trwazyenm fwa, “Simon, garson Zan! Eski ou kontan mwan?” Pyer ti sagren ki Zezi ti demann li pour en trwazyenm fwa: Eski ou kontan mwan? Alor, i ti reponn, “Senyer ou konn tou; ou konnen ki mon kontan ou.” Zezi ti dir li, “Pran swen avek mon bann mouton.

Akt de Zapot 1:24

Zot ti priye, “Senyer! Ou ki konn leker tou dimoun, montre nou ant sa de, lekel ki ou'n swazir,

Ebre 4:13

Napa nanryen dan kreasyon ki kapab reste kasyet devan Bondye. Kreasyon antye i ekspoze devan lizye sa enn avek ki nou bezwen rann kont.

Revelasyon 1:18

sa enn ki vivan. Mon ti'n mor, me la mon vivan pour touzour. Mon posed lakle lanmor ek lakle lemonn lanmor.

Revelasyon 2:23

Mon pou osi met anmor tou son bann zanfan. Alor, tou bann Legliz ava konnen ki mon konn tou mazinasyon ek dezir zonm. Mon pou tret sakenn zot dapre sa ki zot i'n fer.

Revelasyon 9:11

Zot ti annan en lerwa ki ti diriz zot. I ti apel Lanz labim, Abadonn, dan lalang Ebre e Apolyonn dan lalang Grek.

1 Samyel 16:7

Me SENYER ti dir Samyel, “Pa get son laparans ni son grander, akoz mon'n rezet li. SENYER pa war parey zonm i war. Zonm i get laparans eksteryer, me SENYER i get dan leker.”