Proverb 14:2 - Labib An Kreol Seselwa

² Sa enn ki swiv en semen drwat i respekte SENYER. Me sa enn ki pran move semen i mepriz SENYER.

Proverb 14:2 ပူးပေါင်းရင်းမြစ်များ

2 Samyel 12:9

Akoz ou'n mepriz parol SENYER, e fer sa ki i pa kontan? Ou'n touy Iri sa Hitit par lepe; ou'n pran son fanm pour fer li vin ou fanm; ou'n aranze pour fer bann Amonit touy Iri par lepe.

1 Rwa 3:6

Salomon ti dir, “SENYER, ou'n toultan montre ou gran fidelite anver ou serviter, mon papa David, akoz in servi ou avek fidelite, lazistis e drwatir, e ou, ou'n gard ou gran fidelite anver li. Ou'n donn li en garson ki pe asiz lo son tronn ozordi.

2 Rwa 17:34

Ozordi ankor, zot pe pratik zot bann vye koutim. Zot pa vreman ador SENYER, zot pa gard bann lalwa ek bann komannman ki SENYER in donn bann zanfan Zakob ki i ti apel Izrael.

Liv Zob 1:1

Dan pei Ous, ti annan en zonm ki ti apel Zob. I ti en zonm zis e drwat. I ti annan gran respe pour Bondye e i ti evite fer sa ki mal.

Liv Zob 12:4

Mon bann zanmi i boufonn mwan akoz kan mon apel Bondye, i reponn. Mwan, sa zonm drwat e san repros, mon pe ganny gognarde!

Liv Zob 28:28

Alor Bondye ti dir avek limanite: Respe pour SENYER, sanmenm sa lasazes. Elwanny ou avek lemal, e ou ava trouv disernman!

Psonm 112:1

Loue SENYER! Byennere sa enn ki annan respe pour SENYER; i pran gran plezir pour son komannman.

Psonm 25:21

Mon kont lo ou; gard mwan san repros e touzour onnet.

Proverb 11:12

Sa enn ki mepriz son prosen napa leker, me en dimoun rezonnab i reste trankil.

Proverb 16:17

Semen sa enn ki drwat i evit lemal; sa enn ki vey lo son mannyer viv, i protez son lavi.

Proverb 16:6

Lalwayote ek lanmour i pardonn en fot; Sa enn ki annan respe pour SENYER i evit fer sa ki mal.

Proverb 19:1

Vomye en pov ki viv onnetman, ki en ipokrit ki bet.

Proverb 2:15

Zot semen i tord e zot bann aksyon pa drwat.

Proverb 28:6

Vomye en pov ki viv onnetman, ki sa enn, menm si i ris, i annan movez kondwit.

Eklezyas 12:13

Ekout konklizyon tousala: Annan respe pour Bondye e obei son komannman. La sa ki tou et imen i devre fer.

Levanzil dapre Lik 10:16

Sa enn ki ekout zot, i ekout mwan; sa enn ki rezet zot, i rezet mwan, e sa enn ki rezet mwan, i rezet sa Enn ki'n anvoy mwan.

Levanzil dapre Lik 16:14

Bann Farizyen ki ti kontan larzan, ti gognard Zezi kan zot ti antann tousala.

Akt de Zapot 10:22

Zot ti reponn, “Nou'n vin isi anvoye par Korney, en kaptenn dan larme Romen, en zonm zis, ki annan respe pour Bondye. Tou bann Zwif i annan bokou lestim pour li. En lanz Bondye in ordonn li pour anvoy sers ou pour li ekout sa ki ou annan pour dir.”

Akt de Zapot 10:35

me dan nenport ki nasyon, tou dimoun ki annan respe pour li e ki fer sa ki byen, Bondye i kontan zot.

Akt de Zapot 9:31

Antretan, Legliz dan Zide, dan Galile e dan Samari antye, ti pe viv anpe. I ti vin solid; i ti devlope, e soumi dan respe pour Senyer; i ti ogmante gras a led Lespri Sen.