Proverb 13:25 - Labib An Kreol Seselwa

²⁵ Sa enn ki zis i annan ase manze pour satisfer son lapeti. Me vant bann malfeter i reste vid.

Proverb 13:25 ပူးပေါင်းရင်းမြစ်များ

Psonm 103:5

I ranpli ou avek son benediksyon menm dan lavyeyes; i fer ou reste zenn parey leg.

Psonm 132:15

Mon pou beni son bann rekolt; mon pou donn manze son bann pov ziska ki zot ava rasazye.

Psonm 34:10

Bann zenn lyon i konnen kisisa bezwen ek lafen. Me sa enn ki obei SENYER pa mank nanryen.

Psonm 37:16

Sa pti gin ki en zis i posede, i preferab ki larises bokou malfeter.

Psonm 37:3

Met ou konfyans dan SENYER e fer sa ki byen. Alor, ou ava viv anpe e an sekirite dan sa pei.

Proverb 10:3

SENYER pa les sa enn ki zis mor lafen. Me i anpes en malfeter ganny sa ki i anvi.

Proverb 13:18

Sa enn ki refize aprann, pou vin pov e ganny meprize. Me sa enn ki aksepte kritik, pou ganny onore.

Proverb 24:34

Pandan sa letan lapovrete i vin lo ou koman en voler; lanmizer pour sirprann ou parey en gerye arme.

Proverb 6:11

e lanmizer pour vin sirprann ou parey en voler; lanmizer pou vin koman en bandi.

Levanzil dapre Lik 15:14

Kan i ti'n depans tou sa ki i ti annan, en lafanmin terib ti arive dan sa pei, e pa ti reste li nanryen.

Deterononm 28:48

ou pou servi bann lennmi ki SENYER pou anvoy kont ou dan lafen, laswaf; ou pou touni e mank tou keksoz. I pou met en bar feray lo ou likou ziska ki i fini detri ou.

Deterononm 32:24

Lafen pou afebli zot, lafyev ek bann lepidemi pou devor zot. Mon pou anvoy kont zot bann bebet feros e venen bann bebet ki ranpe dan lapousyer.

2 Tesalonisyen 3:10

Annefe, kan nou ti kot zot, nou ti averti zot: Sa enn ki pa oule travay, pa devre osi manze.

1 Timote 4:8

I vre ki legzersis fizik i itil, me i napa en gran valer konpare avek fidelite anver Bondye ki pli itil. Annefe, sa enn ki fidel anver Bondye i posed promes lavi dan letan prezan e dan lavenir.

Ebre 13:5

Pa les lanmour pour larzan domin zot lavi. Me kontant zot avek sa ki zot annan, akoz Bondye li menm ti dir: Mon pa pou zanmen negliz ou, mon pa pou zanmen abandonn ou.