Proverb 13:18 - Labib An Kreol Seselwa

¹⁸ Sa enn ki refize aprann, pou vin pov e ganny meprize. Me sa enn ki aksepte kritik, pou ganny onore.

Proverb 13:18 ပူးပေါင်းရင်းမြစ်များ

Psonm 141:5

Mon aksepte ganny pini par en zonm zis e ganny korize avek bonte. Sa i en zes ki mon pa kapab refize.

Proverb 12:1

Sa enn ki kontan disiplin, i kontan konnesans; sa enn ki pa kontan ganny kritike i bet.

Proverb 13:13

Sa enn ki pa ekout konsey i fer li menm ditor; sa enn ki respekte bann komannman, pou ganny rekonpanse.

Proverb 13:19

I en plezir kan en dimoun i realiz son dezir; sa enn ki bet, i deteste evit sa ki mal.

Proverb 13:25

Sa enn ki zis i annan ase manze pour satisfer son lapeti. Me vant bann malfeter i reste vid.

Proverb 15:5

En fou i mepriz lenstriksyon son papa; me sa enn ki aksepte bann reprimann i pridan.

Proverb 19:6

Bokou dimoun i rod faver avek dimoun enportan; tou dimoun i zanmi avek sa enn ki donn kado.

Proverb 25:12

En bag annor, en lornman fen annor, i parey konsey en saz pour en zorey ki ekoute.

Proverb 9:9

Konsey en saz, e i ava vin pli saz; ansenny en zis, e son konnesans ava ogmante.

Eklezyas 7:5

Plito ekout repros en saz ki ekout sanson bann sot.

Zeremi 3:25

Annou kasyet dan nou laont e ganny kouver avek dezoner. Annefe, depi nou lanfans, nou, avek nou paran, nou pe komet pese anver SENYER, nou Bondye. Nou pa'n ekout sa ki SENYER nou Bondye ti'n dir nou.

Ebre 12:25

Alor, veye ki zot pa refize ekout sa enn ki pe koz avek zot. Bann ki ti refize ekout sa enn ki ti delivre zot lavertisman lo later, pa ti sap pinisyon. I annan plis rezon pour krwar ki nou pa pou kapab sap pinisyon, si nou rezet sa enn ki anons mesaz sorti dan lesyel.