Proverb 13:13 - Labib An Kreol Seselwa

¹³ Sa enn ki pa ekout konsey i fer li menm ditor; sa enn ki respekte bann komannman, pou ganny rekonpanse.

Proverb 13:13 ပူးပေါင်းရင်းမြစ်များ

2 Kronik 36:16

Me zot pa ti respekte bann mesaze Bondye. Zot pa ti pran ka; zot ti negliz Parol Bondye e monk son bann profet, ziska ki lakoler SENYER ti monte kont son pep; ti nepli annan okenn solisyon.

Esdras 10:3

Annou fer en lalyans avek nou Bondye e fer ale tou sa bann fanm etranze ek zot bann zanfan. Konmsa, nou ava swiv ou konsey ki ou, ek tou bann ki annan respe pour komannman nou Bondye in donnen. Annou fer tou dapre lalwa.

Psonm 115:13

I pou beni bann ki obei SENYER, gran koman pti.

Psonm 119:165

Pour sa bann ki kontan ou lalwa, zot zouir lape; zot pa rankontre okenn lobstak.

Psonm 19:11

Menm mwan, ou serviter, mon ganny averti; i annan gran rekonpans pour sa enn ki met zot an pratik.

Psonm 19:12

Lekel ki kapab konn tou son fot? Pardonn mwan mon bann pese sekre.

Egzod 9:20

Bann dimoun dan lantouraz Faraon ki ti annan respe pour parol SENYER ti fer met zot bann serviter ek zot troupo an sekirite dan lakaz.

Proverb 1:25

akoz zot in rezet tou mon bann konsey e refiz mon bann lavertisman,

Proverb 13:12

Lespwar ki tarde realize i anmenn gran sagren; me en dezir ki realize i en pye dibwa ki donn lavi.

Proverb 13:21

Maler i pourswiv sa enn ki fer pese; me boner i rekonpans sa enn ki zis.

Proverb 16:20

Sa enn ki konn fer zafer ava prospere; sa enn ki fer konfyans SENYER ava ere.

Proverb 19:16

Sa enn ki respekte bann komannman pou viv; sa enn ki tanpi son mannyer viv, pou mor.

Ezai 66:2

Tou sa ki egziste, se mon lanmen ki'n fer; alor, tousala i pour mwan. Me mon pran pitye pour sa ki malere, sa ki dan dekourazman, sa ki annan gran respe pour mon parol. SENYER ki deklare.

Zeremi 43:2

Azarya, garson Hosaya e Yohanann, garson Karea, ek bann zonm arogan ti reponn Zeremi: I pa vre. SENYER nou Bondye pa'n anvoy ou dir pa al reste Lezip.

Ezekyel 20:13

Me pep Izrael ti revolte kont mwan dan dezer. Zot pa ti swiv mon bann lalwa e zot ti rezet mon bann regleman ki zonm devre obei pour viv. Zot in montre mepri pour mon saba. Dan mon lakoler, mon ti anvi detri zot dan dezer.

Ezekyel 20:16

Akoz zot ti rezet mon bann regleman, zot pa'n obei mon bann lalwa e zot pa'n gard mon saba. Zot in prefere ador bann zidol.

Ezekyel 20:24

akoz zot pa ti gard mon bann regleman, zot in rezet mon bann lalwa e profann mon bann saba; zot in les zot ganny atire par bann zidol zot bann zanset.

Malasi 3:16

Alor, bann ki ti annan respe anver SENYER ti koz ant zot. SENYER ti ekout zot e antann zot. I ti fer ekri dan en liv souvenir devan li, konsernan tou sa bann ki ti annan respe anver SENYER e onor li.

Nonm 15:31

Annefe, in mepriz parol SENYER, in dezobei son komannman. I devret ganny sase dan kominote. I ava port konsekans son fot.

Matye 5:12

Rezoui e santi zot ere, akoz annan en gran rekonpans pe esper zot dan lesyel! Konmsa menm ki zot bann zanset ti persekit bann profet avan zot.

Levanzil dapre Lik 16:31

Abrahanm ti reponn: Si zot pa oule ekout Moiz ek bann profet, zot pa pou krwar menm si en mor i resisite.”

2 Zan 1:8

Alor, fer byen atansyon ki zot pa perdi bann fri zot travay, me ki zot resevwar en rekonpans konplet.